मराठमोळ्या शिक्षकाचा राष्ट्रपतींकडून सन्मान  sakal
मराठवाडा

मराठमोळ्या शिक्षकाचा राष्ट्रपतींकडून सन्मान

मराठवाड्यातून एकमेव शिक्षक म्हणून श्री. खोसे यांची या पुरस्कारासाठी निवड झालेली आहे.

अविनाश काळे,

उमरगा : भारत सरकारच्या वतीने शिक्षक दिनानिमित्त दरवर्षी देशातील प्रतिभावान शिक्षकांना राष्ट्रीय शिक्षक पुरस्कार जाहीर केला जातो. या वर्षीही देशातील ४४ निवडक शिक्षकांना राष्ट्रीय शिक्षक पुरस्कार वितरण शिक्षक दिनी रविवारी (ता. पाच) राष्ट्रपती रामनाथ कोविंद यांच्या हस्ते करण्यात आले.

या वेळी केंद्रीय शिक्षा मंत्री धर्मेंद्र प्रधान, शिक्षा राज्यमंत्री अन्नपूर्णा देवी,  सुभाष सरकार व  राजकुमार  रंजनसिंह यांच्या हस्ते ऑनलाईन वितरण करण्यात आले. दरम्यान मुंबई येथे राज्य शालेय शिक्षण सचिव वंदना कृष्णा, प्राथमिक व माध्यमिक शिक्षण विभागाचे संचालक दत्तात्रय जगताप, अवर सचिव श्री. रासकर, सहाय्यक संचालक महेश चोथे, संजय वाघमारे यांच्या हस्ते श्री. खोसे यांना सपत्नीक मेडल व राजपत्र देऊन सन्मान करण्यात आला.

मराठवाड्यातून एकमेव शिक्षक म्हणून श्री. खोसे यांची या पुरस्कारासाठी निवड झालेली आहे. यापूर्वीही त्यांना केंद्र शासनाचा राष्ट्रीय आयसीटी पुरस्कार प्राप्त झाला आहे. असे राष्ट्रीय स्तरावरील दोन्ही पुरस्कार मिळवणारे कमी वयातील एकमेव एकमेव शिक्षक आहेत. श्री. खोसे यांनी ग्रामीण भागातील लोकांच्या सहकार्याने त्यांच्या एकूण सेवेमध्ये बेळंब तांडा व जगदंबा नगर कडदोरा या दोन्ही शाळा डिजिटल केल्या आहेत.

तसेच ग्रामीण भागातील मुलांना  आधुनिक तंत्रज्ञानाच्या साहाय्याने शिक्षण मिळण्यासाठी ऑफलाईन ॲप्स, ऑनलाइन टेस्टच्या माध्यमातुन विद्यार्थ्यांना शिक्षण दिले. कोरोना काळामध्ये मुलांना शिक्षणामध्ये रुची कायम राहावी, यासाठी तयार केलेले ऑनलाईन गेम्स असतील, त्याच्या साह्याने त्यांनी आनंददायी शिक्षण देण्याचा प्रयत्न केलेला आहे.

तसेच जिथे शंभर टक्के बंजारा जमातीतील मुले होती, तेथील मुलांना त्यांच्या बोलीतून शिक्षण मिळावे यासाठी त्यांनी इयत्ता पहिलीचा पाठ्यपुस्तक बंजारा बोली भाषांमध्ये अनुवादित करून त्यांना खेळीमेळीच्या वातावरणात शिक्षण देण्याचा प्रयत्न केलेला आहे. शिक्षण संस्कार सप्ताह शाळेतील सहकार्‍यांच्या मदतीने राबवून उपक्रम राज्यभर दिशा देणारा ठरला होता. दरम्यान, शिक्षणमंत्री प्रा. वर्षाताई गायकवाड यांनीही श्री. खोसे यांचा सपत्नीक सत्कार केला.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Torrent Project: टोरंट कंपनीला 730 एकर जमीन खरेदी करण्यास राज्य सरकारची मंजुरी; कर्जतच्या प्रकल्पामुळे वाद वाढणार

Travis Head: १९ नोव्हेंबरचा तो काळा दिवस भारतीय चाहते विसरले नाहीत; ट्रेव्हिस हेडने ३ वर्षांनंतर पोस्ट करत पुन्हा आठवण करून दिली

Marathi News Live Updates : नोकरीच्या आमिषाने दुबईत डांबलेल्या महिलेची सुखरूप सुटका

Lakshmi Narayan Yog 2026: अडकलेला पैसा मिळणार, उत्पन्नाचे नवे मार्ग खुलणार! तुळशी विवाहानंतर ५ राशींसाठी लक्ष्मी नारायण योग ठरणार शुभ

Khamgaon News : ज्ञानगंगा अभयारण्यात ‘रणवीर’ची एन्ट्री! ४९८ किलोमीटरचा प्रवास करत नैसर्गिकरीत्या दाखल, अभयारण्यातील वाघांची संख्या तीनवर

SCROLL FOR NEXT