beed sakal
मराठवाडा

Beed News : बिबट्याचा धुडगूस सुरूच ; शेतकरी सतर्क

बिबट्यास पकडण्यासाठी वनविभागाने मंगरूळ व सावरगाव अशा दोन ठिकाणी पिंजरे लावले असून, कर्मचारी देखिल गस्तीवर आहेत. परंतु, वनविभागास बिबट्या पकडण्यात अपयश येत आहे.

सकाळ वृत्तसेवा

माजलगाव : तालुक्यामध्ये मागील पंधरा दिवसांपासून बिबट्याचा धुडगुस सुरू असून, सावरगावात म्हशीच वगारू खाल्याची घटना नुकतीच उघडकीस आहे. या बिबट्यास पकडण्यासाठी वनविभागाने मंगरूळ व सावरगाव अशा दोन ठिकाणी पिंजरे लावले असून, कर्मचारी देखिल गस्तीवर आहेत. परंतु, वनविभागास बिबट्या पकडण्यात अपयश येत आहे.

तालुक्यातील रामपिंपळगाव, हिवरा, सावरगाव, मंगरूळसह धरण परिसरातील विविध गावांमध्ये बिबट्याचा संचार असल्याचे ग्रामस्थ सांगत आहेत. तर, बिबट्याने शेतकऱ्यांच्या पशुधनावर हल्ला चढवत गाय, म्हैस, शेळ्या, मेंढ्या फस्त केल्या आहेत. बिबट्याच्या भीतीमुळे परिसरातील अनेक शेतकरी रात्री पिकांना पाणी देण्यासाठीही शेतात जात नाहीत. यामुळे पिके करपून नुकसान होत असून, बिबट्यास तत्काळ पकडावे, अशी मागणी जोर धरत आहे.

बिबट्यास पकडण्यासाठी वनविभागाकडून प्रयत्न सुरू आहेत. मंगरूळ शिवारात एक पिंजरा लावल्यानंतर बिबट्याने सावरगाव परिसरात संचार केल्याने याठिकाणी देखिल दुसरा पिंजरा लावण्यात आला आहे. तसेच वनविभागाचे कर्मचारी सावरगावसह परिसरातील अन्य ठिकाणी बिबट्यास पकडण्यासाठी रात्रीची गस्त घालत आहेत. परंतु, बिबट्या पकडण्यास मात्र अपयशच येत आहे. त्यामुळे वनविभागाच्या वतीने सतर्कतेचा इशारा देण्यात आला आहे.

ग्रामस्थांमध्ये भितीचे वातावरण

माजलगाव धरण परिसरात पिण्यासाठी पाणी आणि लपण्यासाठी मोठ्या प्रमाणात उसाचे पीक असून, या परिसरातील गाव शिवारातच बिबट्याचा संचार आहे. त्यामुळे या परिसरातील शेतकऱ्यांमध्ये भितीचे वातावरण निर्माण झाले आहे.

अफवांचा पाऊस

धरण परिसरातील गाव शिवारात बिबट्या असून, या ठिकाणच्या अनेक गाय, शेळ्यांचा बिबट्याने फडशा पाडला आहे. परंतु, आता कधी या गावात तर कधी त्या गावात बिबट्या आल्याची अफवा सोशल मीडियावरून पसरविली जात आहे. अफवा पसरवू नका, असे आवाहन वनविभागाच्या वतीने करण्यात आले आहे.अफवांचा पाऊस

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs SA, 1st ODI: भारताने मारले रांचीचे मैदान, द. आफ्रिकेला दिली मात; कोहलीच्या शतकानंतर कुलदीप यादव-हर्षित राणा चमकले

Eknath Shinde: ठाण्यातील 'या' शहराला 'टेम्पल सिटी' बनवणार; उपमुख्यमंत्री एकनाथ शिंदेंचे आश्वासन, काय म्हणाले?

Lonavala Car Fire : मुंबई–पुणे द्रुतगती मार्गावर धावत्या मोटारीला अचानक आग; चालकाच्या प्रसंगावधानाने मोठी दुर्घटना टळली!

Hinjewadi News : यापुढे अपघात झाला, तर मालकच जबाबदार; ‘आरएमसी’ मालक-चालकांना हिंजवडी पोलिसांची कठोर शब्दांत समज!

IND vs SA, 1st ODI: विराट कोहलीने शतक करताच रोहितने दिली शिवी, गौतम गंभीरची कशी होती रिऍक्शन? पाहा Video

SCROLL FOR NEXT