वाळूज (जि. औरंगाबाद) - घरासमोर आलेल्या हातगाडीवर भाजीपाला खरेदीसाठी करीत असलेल्या महिलेच्या गळ्यातील पाच तोळ्यांचे मंगळसूत्र कारमधून आलेल्या एका चोराने लंपास केले. ही घटना शुक्रवारी (ता. 13) दुपारी साडेबाराच्या सुमारास सिडको वाळूजमहानगर येथे घडली.
राधाबाई नवनाथ बडे (वय 48, रा. सिडको वाळूजमहानगर) या शुक्रवारी दुपारी साडेबाराच्या सुमारास घरासमोर आलेल्या हातगाडीवरील भाजीपाला खरेदीसाठी गेल्या होत्या. भाजीपाला खरेदी करताना तेथे लाल टी शर्ट घातलेला एक तरुण आला. त्याने भाजीपाला विक्रेत्याला काय भाव आहे, असे विचारत भाजीपाला निवडण्यात दंग असलेल्या राधाबाई बडे यांच्या गळ्यातील पाच तोळ्याचे सोन्याचे मंगळसूत्र ओढून पळ काढला. ही घटना घडल्यामुळे श्रीमती बडे व भाजीपाला विक्रेत्या महिलेने चोर-चोर असे म्हणून मदतीसाठी आरडा-ओरडा केला. तोपर्यंत चोराने कारमधून पळ काढला.
चोराची कार सीसीटीव्ही कॅमेऱ्यात
सिडको वाळूजमहानगर येथे चोर मंगळसूत्र चोरी करून पसार होत असताना त्याची पांढऱ्या रंगाची कार परिसरातील एका सीसीटीव्ही कॅमेऱ्यात कैद झाली. या मंगळसूत्र चोरीची माहिती मिळताच मिळतात पोलिसांनी घटनास्थळी भेट देत पाहणी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.