उस्मानाबाद - जिल्हा स्त्री रुग्णालयामधील औषधांचा साठा संपत आला आहे. ही बाब स्वतः वैद्यकीय अधीक्षक डॉ.सचिन देशमुख यांनी मान्य केली आहे. दुसऱ्या बाजुला जिल्हा रुग्णालयात औषधांचा पुरवठा नसतानाही तेथील अधिकारी वस्तुस्थिती सांगायला तयार होत नाहीत. प्रशासनाची ही लपवा-छपवी त्यांच्याच जिल्हा प्रशासनाच्या अंगलट येण्याची शक्यता आहे.

जिल्ह्यामध्ये औषधाचा पुरवठा मुबलक प्रमाणात नसतानाही आरोग्य प्रशासन वस्तुस्थिती स्विकारायला तयार नाहीत. साठा असल्याची माहिती रविवारी दिल्यानंतर सोमवारी जिल्हा स्त्री रुग्णालयातील औषधाच्या साठ्याविषयी तेथील वैद्यकीय अधीक्षक डॉ.देशमुख यांच्याशी संवाद साधला. तेव्हा खरी परिस्थितीसमोर आली असुन साठा संपलेला असुन ९० पैकी २६ औषधांचा साठा संपला असल्याची माहिती डॉ.देशमुख यानी दिली.

जामिनावर सुटताच थाटले गर्भपाताचे दुकान, परळीमध्ये सुदाम मुंडेवर कारवाई

यामध्ये महत्‍वाची व अत्यावश्यक औषधे असुन सामान्य रुग्णांना यासाठी पुन्हा खासगी ठिकाणी औषधासाठी जावे लागण्याची शक्यता आहे. एकट्या स्त्री रुग्णालयाची गेल्या वर्षीची उसनवारी जवळपास साडेचौदा लाख रुपयांची झाली आहे. त्याचेही पैसे अद्याप दिले नसल्याने खाजगी ठिकाणाहुनही रुग्णालयाला औषधाचा पुरवठा करणे बंद केल्याची धक्कादायक बाबसमोर आली आहे.

शिवाय कोरोनाच्या काळात दोन ते अडीच लाखांची उसनवारी केल्याची बाब देखील पुढे आली आहे. असे असतानाही जिल्हा रुग्णालय प्रशासन खरी माहिती माध्यमाना का सांगत नाही ? असा सवाल आता विचारला जाऊ लागला आहे. खरी माहिती सांगितल्याशिवाय औषधाचा साठा उपलब्ध होणार नाही. माध्यमापासुन माहिती लपवून सगळ आलबेल आहे, असे दाखवुन जिल्हा आरोग्य प्रशासन नेमक काय साध्य करणार नाही याचाही उलगडा होत नाही.

औरंगाबादेत कोरोना रुग्णांसाठी आयसीयू बेड शोधत फिरण्याची वेळ; रुग्णवाहिका,...

महिला रुग्णालयात तर अत्यंत सामान्य व गरजु कुटुंब दाखल होतात. त्या ठिकाणी रुग्णांची संख्या सर्वाधिक असते. त्यामुळे अशा गरीब कुटुंबातील व्यक्तींना फक्त प्रशासनाच्या हलगर्जीपणामुळे बाहेरुन जाऊन औषधे घेण्याची वेळ येणार आहे. मागणी करुनही औषधाचा साठा होत नसल्याने स्त्री रुग्णालय प्रशासनाला रुग्णाच्या रोषाला सामोरे जावे लागते. अशा गंभीर बाबीकडे डोळेझाक करणाऱ्या आरोग्य प्रशासनाला जिल्हा प्रशासनाकडुन उचित समज देण्याची आवश्यकता आहे.

(संपादन - गणेश पिटेकर)