खुलताबाद, ता. 24 ( जि.औरंगाबाद) ः खुलताबाद शहरात तीन ठिकाणी घरफोडीच्या घटना घडल्या असून, यात चोरट्यांनी सोन्या-चांदीच्या दागिन्यांसह रोख रक्कम लांबविली आहे. या घटना शनिवारी (ता. 24) पहाटे तीन ते चारच्या सुमारास घडल्या आहेत. चार ते पाच चोरट्यांनी या चोऱ्या केल्या असण्याची शक्यता नागरिकांनी व्यक्त केली.
मिर्झा मोईन बेग मिर्झा निसार बेग यांच्या घरातील रोख पन्नास हजार रुपये, सोन्या-चांदीचे दागिने घेऊन चोरचे पसार झाले. तसेच मोहम्मद ताहीर मोहम्मद इद्रिस यांच्या घरातील कपाटातून पंधरा हजार रुपये चोरट्यांनी पळविले, कपाट उचकटताना त्यांना पाकीट हाती लागले. त्यात सापडलेल्या चावीने कपाटाचा कप्पा उघडून चोरट्यांनी हात साफ केला. चार ते पाचजण तोंडावर लाल रुमाल बांधून फिरताना नागरिकांनी पाहिले. त्यांच्या पाठलाग केला असता ते अंधारात पसार झाले, असे नागरिकांनी सांगितले.
शहरातील सीसीटीव्ही कॅमेरे गेल्या काही महिन्यांपासून बंद आहेत. त्याचा फायदा चोरटे घेत आहेत.
सीसीटीव्ही कॅमेरे बंद असल्याची वेळोवेळी तक्रार देऊनही याकडे नगरपरिषद दुर्लक्ष करीत आहे. गेल्या दोन महिन्यांपासून शहरात चोरट्यांनी धुमाकूळ घातला असून आठ ते दहा ठिकाणी चोरी झाली आहे. दरम्यान, शनिवारी सायंकाळपर्यंत खुलताबाद पोलिस ठाण्यात गुन्हा दाखल करण्यात आलेला नव्हता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.