जालना : शहरातील Jalna अंबड चौफुली येथे रविवारी (ता.१३) ट्रॅव्हल व जीपचा भीषण अपघात झाला. यात एक महिला ठार, तर आठ प्रवासी जखमी झाल्याचे पोलिसांकडून सांगण्यात आले आहे. सोलापूर जिल्ह्यातील माढा तालुक्यातील चांदस येथील नऊ जण क्रुझर जीपने रामनगर साखर कारखाना येथे लग्नकार्यासाठी निघाले होते. रविवारी पहाटे अंबड चौफुली येथे या जीपला यवतमाळ Yavatmalयेथून मुंबईकडे Mumbai निघालेल्या ट्रॅव्हलने जोरदार धडक दिली. त्यामुळे जीप रस्त्याच्या कडेला तीन वेळा पलटी खात कोसळली. तसेच, ट्रॅव्हलच्या समोरचा भाग पूर्णपणे चेंदामेंदा झाला आहे. या अपघातात जीपमधील एक महिला प्रवासी जागीच ठार झाली. स्वाती आदिनाथ काळे (रा.बेंबळे ता.माढा जि. सोलापूर) Solapurअसे या मृत महिलेचे नाव आहे. तर आठ प्रवासी गंभीर जखमी झाले आहेत. Travel Bus Hit Jeep, Woman Died And Eight Injured In Jalna

जीपमधील जखमीवर जिल्हा रुग्णालय व एका खासगी रुग्णालयात उपचार सुरू आहेत. घटनेची माहिती कळताच कदीम जालना पोलिस ठाण्याचे सहायक पोलिस निरीक्षक श्री. टाक यांच्यासह पोलिस कर्मचारी दीपक दाभाडे, राजू साळवे, उमेश साबळे, गजानन काकडे यांच्यासह परिसरातील नागरिकांनी घटनास्थळ गाठून जखमींना मदत केली.