अंबड (जि.जालना) : अंबड-जालना महामार्गावरील डाबरूळ फाट्यावर कंटेनर-दुचाकीचा जोराचा अपघात होऊन यामध्ये दोन सख्ख्या बहिणी जागीच ठार, तर मेव्हुणा गंभीर जखमी झाला आहे. याबाबत सविस्तर माहिती अशी की, अंबड (Ambad) तालुक्यातील शेवगा येथील रेखा भिसे या बहिणीला तिची बहीण मुळगाव (ताडहादगाव, ता.अंबड) सध्या औरंगाबाद येथे वास्तव्यास असलेल्या सुनीता खरजूले (Accident In Jalna) व त्यांचे पती सर्जेराव खरजूले हे औरंगाबाद येथून शेवगा(ता.अंबड) येथे बहीण रेखा रामेश्वर भिसे यांना भेटण्यासाठी आले होते. सोमवारी (ता.नऊ) शेवगा येथून दुचाकीवर दोघी बहिणी रेखा भिसे व सुनीता खरजूले व रामेश्वर खरजूले हे तिघे दुचाकीवरून औरंगाबादकडे (Aurangabad) जाण्यासाठी डाबरूळ फाट्यावरून औरंगाबाद मार्गाकडे वळत असताना अंबड शहराकडून जालनाकडे जाणाऱ्या कंटेनरनची दुचाकीला जोराची धडक दिली.

या अपघातामध्ये रेखा रामेश्वर भिसे (वय 30) व त्यांची लहान बहीण सुनीता सर्जेराव खरजूले (वय २८) या जागीच ठार झाल्या आहेत, तर सर्जेराव खरजूले (वय ४०) वर्षे हे गंभीर जखमी झाले आहेत. या घटनेची माहिती जालना महामार्ग पोलिस विभागाचे सहायक पोलिस निरीक्षक दंड गठघळ, दिनकर मोरे, राजू महेर, गोरख डिघुळे यांना मिळताच त्यांनी घटनास्थळी तात्काळ धाव घेतली. अंबड पोलिसांनी कंटेनर चालकाला ताब्यात घेतले आहे. दोन्ही मृत महिलेचा मृतदेह व सर्जेराव खरजूले यांना अंबडच्या उपजिल्हा रुग्णालयात दाखल केले आहे. दोन्ही मृत महिलेचा मृतदेह व सर्जेराव खरजूले यांना अंबडच्या उपजिल्हा रुग्णालयात दाखल केले आहे.अपघातस्थळी लालवाडी, पारनेर, पारनेर पेट्रोल पंप, लालवाडी तांडा येथील ग्रामस्थांनी पोलिसांना मदत केली.