उदगीर (लातूर) : सध्या सर्वत्र जनावरांमध्ये लागण होत असलेला लंपी स्कीन डिसेस या संसर्गजन्य रोगाचा प्रादुर्भाव वाढत असल्याच्या पार्श्वभूमीवर सहकारी संस्था जिल्हा निबंधकाने जिल्ह्यातील सर्व बाजार समित्यांना आदेश काढून जनावराचा बाजार पुढील आदेश येईपर्यंत पर्यंत बंद ठेवण्याचे निर्देशित केले आहे.

मराठवाड्यातील अन्य बातम्या वाचण्यासाठी यावर क्लिक करा..!

सध्या सगळीकडे कोरोना संसर्गाचे सावट असताना दुसरीकडे जनावरात लंपी स्कीन या रोगाचा प्रादुर्भाव वाढत असल्याने शेतकऱ्यांसह प्रशासनही अलर्ट झाले आहे. या रोगाचा प्रादुर्भाव होऊ नये म्हणून अद्याप कुठलीही लस उपलब्ध झाले नसून रोग होऊ न देणे हा एकमेव पर्याय सध्या उपलब्ध असल्याने संसर्गजन्य परिस्थिती टाळण्याचे प्रशासनाचे प्रयत्न आहेत.

औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.

उदगीर शहर तीन राज्याच्या सीमेवर असल्याने येथे जनावरांचा दर गुरुवारी मोठ्या प्रमाणावर बाजार भरतो.शेतकरी आपली जनावरे घेऊन येतात. मोठ्या प्रमाणावर जनावरांच्या खरेदी-विक्रीचे व्यवहार या बाजारात होत असतात. त्यामुळे आता हा बाजार बंद करण्यात येणार असल्याने शेतकऱ्यांची गैरसोय होणार आहे.

सध्या म्हशीच्या खरेदी-विक्रीचे सिझन सुरू असल्याने या व्यवसायास फटका बसण्याची शक्यता आहे. अगोदरच अतिवृष्टीमुळे संकटात असणाऱ्या शेतकऱ्यांना जोडव्यवसाय म्हणून पशुपालन करणाऱ्या शेतकऱ्यांना आपले जनावरे विकायची कोठे? हा मोठा प्रश्न पडला आहे.

देशभरातील महत्त्वाच्या बातम्या वाचण्यासाठी येथे क्लिक करा

गाई म्हशी पाठोपाठ उदगीर शहरात भरवण्यात येणाऱ्या शेळीच्या बाजारावरही गधा आली आहे. मोठ्या प्रमाणावर होणारे खरेदी-विक्रीचे व्यवहार ठप्प झाल्याने आर्थिक उलाढाल मंदावणार आहे. कृषी उत्पन्न बाजार समितीने सर्वांना बाजार बंद असल्याने आपली जनावरे विक्रीसाठी बाजारात आणू नये असे आवाहन केले आहे.

पर्यायी व्यवस्था करायला हवी
सध्या म्हशीच्या खरेदी-विक्रीचे सिझन असल्याने जोडधंदा म्हणून पशुपालनाचा व्यवसाय करणाऱ्या शेतकऱ्यांची आर्थिक कोंडी होऊ नये यासाठी पर्यायी व्यवस्था करणे आवश्यक बनले आहे.बाजार समितीच्या पुढाकारातून सर्व पशूंना एकत्रित येऊ न देता ऑनलाइन पद्धतीने खरेदी विक्रीची पर्यायी व्यवस्था उभारल्यास पशुपालकांची गैरसोय होणार नाही.

(Edited By Pratap Awachar)