जळकोट (लातूर): तालुका कृषी विभाग व आत्मा मार्फत विकेल ते पिकेल अंतर्गत वांजरवाडा (ता.जळकोट) शिवारात हळद शेतीशाळा घेण्यात आली. त्यास सोमवारी (ता.५) शेतकऱ्यांचा चांगला प्रतिसाद मिळाला. प्रसंगी तालुका कृषी अधिकारी आकाश पवार, आत्माचे तालुका तंत्रज्ञान व्यवस्थापक अभिलाश क्षीरसागर ,कृषी सहाय्यक विशाल इंगळे, कृषी मित्र संभाजी मोरे आदि उपस्थित होते.

ही शेतीशाळा होकर्णा येथील उत्तम भुरे यांच्या प्रक्षेत्रावर घेण्यात आली. या प्रसंगी आत्माचे तालुका तंत्रज्ञान व्यवस्थापक अभिलाष क्षीरसागर यांनी हळद पिकाला माती लावणे व ठिबक व्यवस्थापन याविषयी तसेच शेतीशाळा संकल्पना उद्देश, महत्त्व व शेतीशाळा रूपरेषा याविषयी उपस्थित शेतकऱ्यांना माहिती दिली.

कृषी सहाय्यक विशाल इंगळे यांनी हळद पिकातील खत व्यवस्थापन व तण व्यवस्थापन याविषयी माहिती दिली. तर तालुका कृषी अधिकारी आकाश पवार यांनी उपस्थित शेतकऱ्यांना हळद व मार्केट व्यवस्थापना तसेच हळद प्रक्रिया युनिट या याविषयी हळद उत्पादक शेतकऱ्यांसोबत चर्चा केली. यावेळी हळद उत्पादक शेतकरी अच्युत आगलावे, नागनाथ टेकाळे, उत्तम भुरे, मल्लिकार्जुन भुरे, रामेश्वर टेकाळे, शिवाजी भोंग, प्रकाश पवार आदि शेतकरी उपस्थित होते.