File Photo 
मराठवाडा

नांदेडकरांना रुग्णाच्या संपर्कातील १६ जणांच्या अहवालाची प्रतिक्षा

शिवचरण वावळे

नांदेड : नांदेड शहरात आढळलेल्या दुसऱ्या कोरोनाबाधित रुग्णाच्या सहवासातील १६ संशयित व्यक्तींच्या स्वॅबचे नमुने घेऊन ते तपासणीसाठी प्रयोगशाळेत पाठविण्यात आले आहेत. त्यांचा अहवाल कसा येणार? याकडे जिल्हा प्रशासनाचे लक्ष लागले आहे. 

नांदेड महापालिका हद्दीत रविवारी (ता.२६) अबचलनगर भागात एका ४४ वर्षीय व्यक्तीचा रिपोर्ट कोरोना पॉझिटिव्ह आला आहे. ही व्यक्ती नांदेडहून दिल्ली येथे प्रवाशांना सोडण्यासाठी गेली होती. त्यानंतर नांदेडला परत आल्यानंतर त्या व्यक्तीच्या घशातील स्वॅबचे नमुने चाचणीसाठी घेऊन त्यांना यात्री निवास येथे क्वॉरंनटाइनमध्ये ठेवण्यात आले होते. रविवारी (ता.२६) रात्री उशीराने त्यांचा अहवाल प्राप्त झाला. खबरदारीचा उपाय म्हणून जिल्हाधिकारी डॉ. विपीन इटनकर यांनी रात्री उशिरापर्यंत जिल्ह्यातील आरोग्य अधिकारी, डॉ. शंकरराव चव्हाण महाविद्यालय व शासकीय आयुर्वेदिक महाविद्यालयाचे अधिष्ठाता यांची विशेष बैठक घेऊन अबचलनगर परीसर सील करण्यात आला.
 
हेही वाचा- विद्यापीठातील कर्मचाऱ्यांनी घेतली ‘लॅब’ची धसकी, कशामुळे? ते वाचाच

रुग्णाच्या संपर्कातील १६ व्यक्तींचा अहवाल प्रतिक्षेत

सोमवारी सकाळी (ता.२७) त्या संपूर्ण परीसराची सॅनिटायझरने फवारणी करुन परीसर निर्जंतुकिकरण केला. जिल्हा प्रशासन इतक्यावरच न थांबता ‘कोरोना’ बांधित रुग्णाच्या संपर्कातील व परिवारातील १६ व्यक्तींचा संशयित म्हणून स्वॅब तपासणीसाठी घेऊन ते स्वॅब तपासणीसाठी प्रयोगशाळेत पाठविण्यात आले असल्याची माहिती जिल्हा प्रशासनाच्या वतीने देण्यात आली. 

अबचलनगर ‘कंटेनमेंट झोन’ घोषित

यापूर्वी बुधवारी (ता.२२ ) पीरबुऱ्हाणनगर भागात जिल्ह्यातील पहिला कोरोना रुग्ण आढळुन आला होता. त्यानंतर प्रशासनाने या भागात २५० आरोग्य पथकाची स्थापना करुन त्याद्वारे पहिल्याच दिवशी दहा हजार नागरीकांचे थर्मल मशीनद्वारे स्क्रिनिंग करण्यात आली होती. अबचलनगर भागात देखील ‘कंटेनमेंट झोन’ घोषित करुन परीसरातील नागरिकांच्या हालचालीवर बंधने घातली आहेत. 

एक रुग्ण स्थिर एक गंभीर

सोमवारी सायंकाळी पाचवाजेपर्यंत एक हजार १५ संशयितांची नोंद झाली आहे. आत्तापर्यंत ७३७ स्वॅब घेण्यात आले होते. त्या पैकी केवळ दोन रुग्ण कोरोना पॉझिटिव्ह आढळून आले आहेत तर ६७७ व्यक्तींचे अहवाल निगेटिव्ह आले आहेत. अजून ५३ स्वॅब अहवाल प्रलंबित आहेत. दोन्ही कोरोनाग्रस्त रुग्णावर विष्णुपुरी येथील डॉ. शंकरराव चव्हाण शासकीय वैद्यकीय महाविद्यालय तथा रुग्णालयात उपचार सुरु असून, पहिल्या कोरोना बाधीत रुग्णास उच्च रक्तदाब, मधुमेह, दमा असे आजार आहेत. नव्याने दाखल केलेल्या रुग्णाची प्रकृती स्थिर असल्याची माहिती जिल्हा आरोग्य विभागाने दिली.  
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

अमेरिकेने इराणविरुद्धच्या युद्धात एक्स्पायर झालेली क्षेपणास्त्रे वापरली; सिनेट आर्म्ड सर्व्हिसेस कमिटीसमोर सुनावणी

Truck Bike Accident : तेरवीहून परतताना पती-पत्नी ठार; शिंदोला मार्गावर ट्रक-दुचाकीचा भीषण अपघात

Chadrapur Crime : चंद्रपूर हादरले! चौकात कवटी, रेल्वे पटरीलगत मृतदेह; दोन्ही अवयव एकाच व्यक्तीचे असल्याचा संशय

Dengue-Like Infection : मुंढेत ४० जणांना डेंगीसदृश्य लागण; गावात खळबळ

Amravati Fire : वलगाव मार्गावरील हबीब नगर परिसरात शॉर्टसर्किटमुळे आग लागल्याची शक्यता; अडीच ते तीन तासांच्या प्रयत्नांनंतर अग्निशमन दलाने आगीवर मिळवले नियंत्रण

SCROLL FOR NEXT