राहाभाऊ नगरकर
जिंतूर : तालुक्यातील येलदरी धरणातून सोमवारी (ता.१४) दुपारी साडेबाराच्या सुमारास दोन दरवाजे उघडू त्याद्वारे ४२२० क्युसेक्स आणि जलविद्युत केंद्राद्वारेचा २६०० क्युसेक्स असा एकूण ६८२० क्युसेक्स विसर्ग सध्या पूर्णा नदीच्या पात्रात सोडण्यात येत आहे.
धरणाच्या उर्ध्व भागातील खडकपूर्णा धरणातून दोन दिवसांपासून नदीपात्रात
मोठ्या प्रमाणात पाण्याचा विसर्ग सोडण्यात येत असल्याने येलदरी धरणाच्या जलाशयाच्या पाणीपातळीत सातत्याने वाढ होत आहे. परिणामी शनिवारी (ता.१२) येथील जलविद्युत निर्मिती केंद्रामधील दोन विद्युत जनित्र कार्यान्वित करण्यात येऊन त्याद्वारे २६०० क्युसेक्स विसर्ग नदीपात्रात सोडण्यात येत आहे.
परंतु जलाशयात पाण्याची आवक वाढतच असल्याने पाटबंधारे विभागाच्या कार्यकारी अभियंता (वसमत) कार्यालयाने धरणाचे दोन दरवाजे उघडण्याचा निर्णय घेतला. त्यानुसार येलदरी येथील उप अभियंता तथा पूर नियंत्रण कक्षातर्फे सोमवारी दुपारी दहापैकी क्रमांक एक व दोनचे दरवाजे प्रत्येकी अर्धा मीटरने उघडून त्याद्वारे ४२२० क्युसेक्स विसर्ग सोडला. याप्रमाणे सद्यस्थितीत एकूण ६८२० क्युसेक्स विसर्ग नदीपात्रात सोडण्यात येत आहे.
दरम्यान, धरणात होत असलेली पाण्याची आवक पाहता विसर्ग कमी किंवा जास्त करण्याची कार्यवाही करण्यात येईल. यास्तव नदीकाठच्या गावांनी सतर्क राहण्यासंदर्भात येलदरी धरण पूर नियंत्रण कक्षातर्फे सुचित करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.