भाईंदर : तरुण पिढी कुठल्या गोष्टीला कसा प्रतिसाद देतील याचा काही नेम राहिला नाहीये. मुंबईतील भाईंदर परिसरात अशीच एक धक्कादायक घटना समोर आली आहे. एका तेरा वर्ष वयाचा मुलाने केस बारिक कापले म्हणून रागाच्या भरात आत्महत्या केल्याचा प्रकार समोर आला आहे.

भाईंदर पूर्व राहाणाऱ्या या मुलाने राहत्या इमारतीच्या १६ व्या मजल्यावरून उडी मारून आत्महत्या केली. आठव्या इयत्तेत शिकणारा हा मुलगा भाईंदर पूर्व भागातील न्यू गोल्डन नेस्ट परिसरात राहात होता.

हेही वाचा - सामान्यांचा पैसा सुरक्षित ठेवण्यासाठीच Virtual Currency करकक्षेत

या मुलाला चुलत भावाने केस कापायला नेले होते. मात्र केस बारिक कापल्यामुळे त्याला राग आला. घरच्यांनी त्याला समजावण्याचा प्रयत्न केला मात्र त्याचा राग कमी झाला नाही. या रागातच रात्रीच्या वेळी त्याने सोळाव्या मजल्यावरील आपल्या घरातील बाथरूम च्या खिडकीतून खाली उडी मारून आत्महत्या केली. नवघर पोलीस पुढील तपास करत आहेत.