मुंबईच्या गोरेगाव पूर्वेकडील ओबेरॉय मॉल समोरील रस्त्यावर भरधाव वेगात येणाऱ्या डंपरने एका दुचाकीला धडक दिल्याने भीषण अपघात झाला. या दुर्घटनेत तेरा वर्षीय शाळकरी मुलीचा जागेवरच मृत्यू झाल्याची दुर्दैवी घटना घडली आहे. या घटनेनंतर डंपर चालक हा फरार झाला आहे.

मिळालेल्या माहितीनुसार, डंपरने दिलेल्या धडकेत झालेला अपघात इतका भीषण होता की तेरा वर्षीय शाळकरी मुलीचा जागेवरच मृत्यू झाला. तर वडील अपघातात गंभीर जखमी झाले आहेत. त्यांना जवळील हिंदुरुदय सम्राट बाळासाहेब ठाकरे ट्रॉमा केअर रुग्णालयात उपचारासाठी दाखल केले आहे.