कल्याण ग्रामीण विधानसभा क्षेत्रामध्ये येणाऱ्या '14 गावांचा' समावेश नवी मुंबई पालिकेत करण्यात आला आहे. गाव विकास समिती आणि मनसे आमदार राजू पाटील यांनी यासाठी प्रयत्न केले होते. त्या प्रयत्नाना यश आले असून नवीमुंबई पालिकेचे आयुक्त डॉ. कैलास शिंदे यांच्याकडून याबाबतचे आदेश काढण्यात आले आहेत.

मिळालेल्या माहितीनुसार, कल्याण ग्रामीण विधानसभा क्षेत्रातील '14 गावांचा' नवीमुंबई पालिकेमध्ये समावेश करण्यात यावा अशी मागणी केली होती. गाव विकास समिती आणि महाराष्ट्र नवनिर्माण सेनेचे आमदार राजू पाटील यांनी याबाबतची मागणी लावून धरली होती.

आमदार राजू पाटील यांच्या मागणीनंतर आणि प्रयत्नानंतर आता कल्याण ग्रामीण विधानसभा क्षेत्रातील '14 गावांचा' नवीमुंबई पालिकेत समावेश करण्यात आला आहे. नवीमुंबई पालिकेचे आयुक्त डॉ. कैलास शिंदे यांनी याबाबतचे आदेश काढले आहेत.

नवी मुंबई पालिकेच्या 4 अभियंत्यांना मूळ विभागाचे कामं संभाळून १४ गावांचे अतिरिक्त कामकाज सांभाळावे लागणार आहे. भंडार्ली, पिंपरी गाव, गोटेघर, बंबार्ली, उत्तरशिव, नागाव, नारिवली, वाकळण, बाळे आणि दहिसर मोरी, दहिसर, निघू, मोकाशीपाडा, नावाळी, या गावांचा यामध्ये समावेश आहे. 14 गावांच्या मालमत्ता हस्तातरणाच्या कामाला 11 तारखेपासून होणार आहे.