मुंबई : मॉडलींग ते नागरी सेवा परिक्षेतील टॉपर असा धक्क प्रवास करून  रातोरात प्रकाश झोतात आलेली आर्मीतील कर्नलची मुलगी २३ वर्षीय ऐश्वर्या अजयकुमार श्योराण हिच्या नावाने 16 बनावट इन्स्टाग्राम खाती तयार करण्यात आली आहेत. याप्रकरणी ऐश्वर्याच्या तक्रारीवरून कुलाबा पोलिसांनी माहिती तंत्रज्ञान प्रतिबंधक कायद्याअंतर्गत गुन्हा दाखल केला आहे. तक्रारीनुसार तिने आतापर्यंत कधी इन्स्टाग्राम खाते तयारच केलेले नाही.

मोठी बातमी : मुंबईकरांनो सावधान ! पुढचा आठवडाभर मुंबईत पुन्हा धुवाधार

ऐश्वर्या तिच्या कुटुंबियांसोबत कुलाब्यातील आर्मी अधिकारी वसाहतीत राहते. 2016 मध्ये फेमिना मिस इंडियाच्या अंतिम फेरीपर्यंत मजल मारणा-या ऐश्वर्याने 2019 च्या युपीएससी परिक्षेत देशात 93 क्रमांक मिळवला. पाच ऑगस्टला काही पत्रकारांनी तिची मुलाखत घेतली. त्यानंतर ऑनलाईन मुलाखत जारी करण्यात आली. त्यावेळी तिच्या कोणत्या इन्स्टाग्राम अकाउंटसोबत या बातम्या टॅग कराव्यात असे तिला विचारण्यात आले. त्यावेळी तिने आपले कोणतेही इन्स्टाग्राम अकाउंट नसल्याचे तिने सांगितले.  त्यावेळी तिने भावाला स्वतःच्या नावाचे किती ऑनलाईन इन्स्टाग्राम अकाउंट आहेत. हे तपासण्यास सांगितले. त्यावेळी त्याला ऐश्वर्याच्या नावाने 16 इन्स्टाग्राम खाती असल्याचे निष्पन्न झाले. त्या सर्व खात्यांमध्ये तिचे छायाचित्र आणि व्हिडिओ तिच्या परवानगीशिवाय वापरण्यात आले आहेत. या सर्व खात्यांमध्ये तिचे अधिकृत खाते असल्याचे नमुद करण्यात आले आहे. त्यावर अनेक जण जोडले गेले आहेत.

मोठी बातमी : विमान दुर्घटनेची बातमी आली आणि साठे कुटुंबियांच्या पायाखालची जमीन सरकली..

एका इन्स्टाग्राम खात्याचे तर 27 हजार फॉलोअर्स आहेत. याबाबत तिने कुटुंबियांशी चर्चा केल्यानंतर कुलाबा पोलिसांकडे तक्रार केली आहे. त्यानुसार पोलिसांनी ओळख चोरल्याप्रकरणी माहिती तंत्रज्ञान गैरवापर कलम 66(क) अंर्गत गुन्हा दाखल केला आहे.

( संकलन - सुमित बागुल ) 

16 fake instagram accounts with the name of aishwarya sheoran reached colaba police station