Mumbai News : नवी मुंबई येथील बेलापूर येथे एका तरूणीचा इमारतीच्या सातव्या मजल्यावरून पडून मृत्यू झाल्याची धक्कादायक घटना घडली आहे. संबंधित तरूणी मध्यरात्री एका पडीक इमारतीच्या सातव्या मजल्यावर पार्टी करण्यासाठी गेली असल्याची माहिती समोर आली आहे.

मध्यरात्री पार्टी केल्यानंतर अंधाराचा अंदाज न आल्यामुळे १९ वर्षीय तरूणी तोल जाऊन खाली पडली आणि तिचा जागीच मृत्यू झाला अशी माहिती आहे. या घटनेनंतर पोलिसांनी तिच्यासोबत असलेल्या दोन तरूणांना ताब्यात घेण्यात आलं असून त्यांची चौकशी करण्यात येत आहे.

या तरूणीचा मृत्यू पाय घसरून झाला की तिच्यासोबत काही घातपात झाला याबद्दल शंका निर्माण झाली असून पोलिसांकडून तिच्यासोबत असलेल्या दोन तरूणांची चौकशी करण्यात येत आहे. त्याचबरोबर अधिकचा तपास सुरू असल्याचंही पोलिसांनी सांगितलं आहे.