मुंबई : शासनानं अनेक उपाय योजना करूनही राज्यात अपघातांचं प्रमाण कमी होताना दिसत नाही. काल रात्री मुंबईच्या वरळीमध्ये भीषण अपघात झाला आहे. एक भरधाव कार दुभाजकावर आदळून ३ जणांचा जागीच मृत्यू झाल्याची घटना घडली आहे. वरळीमध्ये रात्रीच्या सुमारास हा अपघात झाला आहे. कारचालक महिला तिची ६ महिन्यांची कन्या आणि तिचे नातेवाईक या कारमध्ये होते. यात या महिलेच्या ६ महिन्याच्या मुलीचा आणि २ नातेवाईकांचा जागीच मृत्यू झाला तर कारचालक महिला गंभीर जखमी झाली आहे.
नक्की काय घडलं:
या कारमध्ये एकूण ४ जण होते. वरळीतून बीएमडब्ल्यू कारनं जात असताना चालक महिलेचं कारवरचं नियंत्रण सुटलं. वेगाचा अंदाज न आल्यामुळे कार थेट दुभाजकावर जाऊन आदळली. यात चालक महिला जखमी झाली तर तिची ६ महिन्याची मुलगी आणि २ नातेवाईकांचा जागीच मृत्यू झाला.
या अपघातात गाडीचा चुराडा झाला आहे. गाडी भरधाव वेगात होती आणि म्हणूनच चालक महिलेचं नियंत्रण सुटलं असावं असा प्रत्यक्षदर्शींचं म्हणणं आहे. कार चालक महिला या अपघातात गंभीर जखमी झाली आहे आणि तिच्यावर सध्या आयसीयूमध्ये उपचार सुरू आहेत अशी माहिती पोलिसांकडून मिळतेय.
3 dead including 6 months old girl in car accident at worli mumbai
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.