राज्यातील आगामी निवडणूकांसाठी सर्व राजकीय पक्षांकडून तयारी सुरू करण्यात आली आहे. मुंंबई महानगर पालिकेच्या निवडणूकांसाठी देखीर राजकीय पक्षांकडून देखील हालचालींना वेग आला आहे. यादरम्यान मुंबईत काँग्रेस पक्षाला मोठा झटका बसला आहे.

मुंबई काँग्रेसमध्ये नाराजीच्या चर्चांदरम्यान तीन माजी नगरसेवक यांनी पक्ष सदस्यत्वाचे राजीनामे दिल्याची माहिती समोर आली आहे. इतकेच नाही तर हे नगरसेवक शिंदे गटात जाण्याची शक्यता देखील वर्तवली जात आहे.

मिळालेल्या माहितीनुसार, ९ ऑगस्ट रोजी ऑगस्ट क्रांती दिनी मुंबई काँग्रेसने आखलेल्या कार्यक्रमाला अनुपस्थित राहणाऱ्यांना करणे दाखवा नोटीस बजावण्यात आली होती. त्यानंतर पक्षात नाराजी वाढली होती. त्याचा परिणाम म्हणून आता मुंबई काँग्रेसचे माजी नगरसेवक पुष्पा कोळी ,गंगा माने, बबु खान यांनी राजीनामा दिले आहेत. तर पदाधिकारी भास्कर शेट्टी यांनी देखील राजीनामा दिला आहे.