मुंबईः नववर्षाच्या पार्श्वभूमीवर नालासोपारा पूर्व प्रगती नगर येथे परिमंडळ 03 च्या क्राईम ब्रँचने छापा मारला आहे. या छापेमारी दरम्यान 4 लाख रुपये किंमतीचा एमडी ड्रग्स साठा जप्त केला आहे. या कारवाईत 2 महिलांना पोलिसांनी अटक केली. याबाबत तुलिंज पोलिस ठाण्यात अंमली पदार्थ विरोधी कायद्याअंतर्गत गुन्हा दाखल केला आहे. 

नाकेजु कहोमा डेव्हीड साराह (27) आणि नाबाटेरी शमीम कान्हाकुलीया सेझी (35) असे अटक महिला आरोपीचे नाव आहे. सरत्या वर्षाला निरोप आणि नवीन वर्षाच्या स्वागताच्या पार्श्वभूमीवर मीरा भाईंदर वसई विरार पोलिस आयुक्त सदानंद दाते यांनी झोन निहाय कायदा सुव्यवस्था राखण्यासाठी वेगवेगळे स्वतंत्र पथक तयार केले आहेत.

मुंबई विभागातल्या ताज्या बातम्या वाचण्यासाठी येथे क्लिक करा.

नालासोपारा पूर्व प्रगती नगर येथील 90 फिट रोडवर दोन महिला अंमली पदार्थ घेऊन 30 डिसेंबरला संध्याकाळच्या सुमारास  येणार असल्याची माहिती  परिमंडळ 03 च्या क्राईम ब्रांन्चला गुप्त बातमीदाराकडून मिळाली होती. पोलिसांनी मिळालेल्या माहिती वरून छापा मारला असता दोन महिला संशयित रित्या आढळून आल्या. त्यांची चौकशी केली त्यांच्याकडे 4 लाख 40 हजार रुपये किंमतीचा 220 ग्रॅम एमडी ड्रग्स मिळून आले आहे. दोन्ही महिलांना अंमली पदार्थसह ताब्यात घेऊन त्यांच्यावर तुलिंज पोलिस ठाण्यात गुन्हा दाखल करून अटक केली आहे.

हेही वाचा- मुंबईच्या हवेची गुणवत्ता खालावली, संपूर्ण शहरात अतिशय वाईट हवेची नोंद

--------------------------------

(संपादन- पूजा विचारे)

4 lakh MD Narcotic seized Nalasopara action Crime Branch two womens arrested