मुंबई: मुंबईत कोरोनाचा कहर सुरूच आहे. मात्र आता कोरोनासह अजून एका भयंकर आजारानं मुंबईकरांची झोप उडवली आहे. या आजारामुळे ४ जणांचा मृत्यू झाला आहे अशी धक्कादायक माहिती समोर अली आहे.
घाटकोपरमध्ये कोरोनासोबत आता तापाच्या रुग्णांची संख्याही झपाट्याने वाढत आहे. कोरोना आणि तापाने मृत्यू झालेल्या रुग्णांची संख्या चार झाली आहे. मृतांची संख्या वाढू लागल्याने या भागात भीतीचे वातावरण निर्माण झाले आहे.
घाटकोपरच्या पूर्व आणि पश्चिमेचा बहुतांश झोपडपट्ट्यांनी व्यापला आहे. गेल्या महिन्याभरापासून या भागात कोरोनाचा झपाट्याने फ़ैलाव सुरू आहे. त्यात भरीस भर म्हणून तापाची साथ सुरू झाली आहे. तापाच्या रुग्णांची संख्या झपाट्याने वाढत आहे, मात्र त्यामुळे हा ताप कोरोनाचा की विषमज्वर यामुळे आरोग्य खात्यात गोंधळाचे वातावरण निर्माण झाले आहे. कोरोना आणि तापामुळे मृत्यू पावलेल्यांची संख्या आता चार झाली आहे. या भागातील राजावाडी रुग्णालय कोरोनाच्या रुगणांनी फुल्ल झाले आहे.
झोपडपट्ट्यामध्ये कोरोनाचा प्रादुर्भाव वाढल्याने रुग्णांची वाढती संख्या चिंतेचा विषय ठरला आहे. घाटकोपरच्या पूर्व भागात कामराज नगर, रमाबाई कॉलनी या भागावर कोरोना वाढला आहे. घाटकोपरच्या पश्चिम भागात भीमनगर, इंदिरानगर, असल्फा व्हिलेज, रामनगर, चिरागनगर, विक्रोळी पार्कसाईट या भागात कोरोनाचा वाढत आहे.
कोरोना बाधितांना विक्रोळी पार्कसाईट आणि चिरागनगर येथील केंद्रात क्वारंटाईन केले जात आहे. मात्र घाटकोपरमधील कोरोनाचा बाधित क्षेत्रात धूर फवारणी किंवा औषध फवारणी होत नसल्याच्या नागरिकांच्या तक्रारी आहेत.
4 people have no more due to fever in ghatkopar read full story
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.