मुंबई : कर फसवणूक करून मनी लॉड्रिंग प्रकरणी आयकर विभागाच्या एका अधिकाऱ्याची ईडीने 65 कोटीची मालमत्ता शुक्रवारी जप्त केली आहे. तानाजी मंडल अधिकारी असे आरोपी आयकर अधिकाऱ्याचे नाव आहे.

खंडाळा, लोणावळा ,कर्जत आणि कर्नाटकातील इतर काही ठिकाणी, एकूण 69.65 कोटी रुपयांपेक्षा जास्त किमतीची जमीन मनी लाँड्रिंग विरोधी कायद्यांतर्गत ईडीकडून जप्त करण्यात आली आहे. आयकर विभागाच्या अधिकाऱ्याने केलेल्या कथितपणे फसवणूकी प्रकरणी ईडीने शुक्रवारी कारवाई केली. वरिष्ठ अधिकारी तानाजी मंडल अधिकारी आणि इतरांनी कथितरित्या आयकर विभागाची एकूण 263 कोटी रुपयांचा कर फसवणूक केल्याचा आरोप आहे.

लोणावळा, खंडाळा, कर्जत आणि उडुपी (कर्नाटक) येथील जमीन, पनवेल आणि मुंबई येथे फ्लॅट तसेच तीन आलिशान कार ईडीने जप्त केलेली आहे . या एकूण 32 मालमत्ता आरोपींनी त्यांच्या नावे आणि इतर संबंधित व्यक्तींच्या नावे गुन्ह्यातून मिळवलेल्या आर्थिक उत्पन्नतून मिळवल्या असल्याचा तपास यंत्रणांचा आरोप आहे. ही मालमत्ता 69 कोटी रुपयांची आहे.

सेंट्रल बोर्ड ऑफ डायरेक्ट टॅक्सेस (सीबीडीटी) च्या अतिरिक्त महासंचालक (दक्षता) यांच्या लेखी तक्रारीच्या आधारे दाखल करण्यात आलेल्या तक्रारीतून सीबीआयने गुन्हा दाखल केला. दाखल केलेल्या गुन्ह्यात मनी लाँड्रिंग झाल्याचे समोर आले नंतर हे प्रकरण ईडीने तपास करायला घेतले आहे . या प्रकरणात ईडीने यापूर्वी 96.25 कोटी रुपयांपेक्षा जास्त किमतीची मालमत्ता जप्त केली होती. ताज्या कारवाईमुळे, या प्रकरणातील एकूण संलग्नता आता सुमारे 166 कोटी रुपये झाली आहे.