रोहा : शहरात छत्रपती शिवाजी महाराजांचा २५ फूट उंचीचा पुतळा उभारणार असून पाच दिवसांत चौथऱ्याच्या कामाला सुरुवात होईल तर २५ फेब्रुवारीपर्यंत पुतळा उभारणीचा काम पूर्ण होईल, अशी माहिती खासदार सुनील तटकरे यांनी दिली. रोहा शासकीय विश्रामगृहात शनिवारी नुकत्‍याच आयोजित बैठकीत ते बोलत होते.
राज्‍य सरकारमध्ये सहभागी झाल्‍यामुळे श्रीवर्धनमध्ये विकासकामांना चालना मिळाली असून पुरवणी अर्थ संकल्पात रस्ते विकासासाठी १२० कोटींची तरतूद करण्यात आली आहे. जामगावातील प्रस्ताविक डॉ. सी. डी. देशमुख वन उद्यानाच्या कामासाठी २२ कोटींचा निधी मंजूर करण्यात आला आहे. त्याचप्रमाणे धाटाव एमआयडीसीलगत असलेल्या धाटाव, महादेववाडी, वाशी, लांढर, तळाघर, कारिवणे इत्यादी ग्रामीण भागातील रस्ते काँक्रिटीकरणाच्या कामासाठी साडे सतरा कोटींचा निधी लवकर उपलब्‍ध होणार असल्‍याचे त्‍यांनी सांगितले.
वाकण, रोहा, खारी, तांबडी, घोसाळे, खाजणी, मांदाडमार्गे म्हसळा रस्त्याच्या कामाला मंजुरी मिळाली असून २५० कोटींचा निधी खर्च अपेक्षित आहे. एमआयडीसी व मुख्य रस्त्यावरील अपघातात रोखण्यासाठी व कामगारांची गैरसोय दूर करण्यासाठी रोहा ते किल्ला, किल्ला ते आंबेवाडी नाका, अशोकनगर ते भुवनेश्वर रस्त्यावरील पथदीप लावण्यासाठीही निधी मंजूर करण्यात आला आहे.
- खासदार सुनील तटकरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.