Latest Mumbai News : उल्हासनगर महाराष्ट्र नवनिर्माण महानगरपालिका कामगार कर्मचारी सेनेचे युनिट अध्यक्ष दिलीप थोरात यांच्या गाडीवर झाड कोसळले असून त्यांच्या गाडीचे नुकसान झाले आहे.

पालिकेत मनसे कामगार सेनेचे युनिट अध्यक्ष असलेले दिलीप थोरात यांचे साई पूजा बिल्डर्स ऍण्ड डेव्हलपर्सचे ऑफिस लालचकी चौकात गुरुद्वाराच्या बाजूला आहे.त्यांची गाडी ऑफीस समोर उभी असतानाच रोडवरील डिव्हायडर्सच्या मध्ये मोठे झालेले झाड त्यांच्या गाडीवर कोसळले.

त्यामुळे गाडीचे प्रथमदर्शनी काचेचे नुकसान झाले आहे.थोरात यांनी अग्निशमन दलाला फोन केल्यावर जवानांनी झाडाच्या फांद्या छाटून टाकल्या.

ठेकेदाराने डिव्हायडर्सच्या मधील सर्व दगडे काढून टाकली आहेत.त्यामुळे झाड कोसळण्याची घटना घडल्याचा आरोप दिलीप थोरात यांनी केला आहे.