मुंबई : आरे परीसराजवळील (Aare society) मानवी वस्त्यांमध्ये बिबट्याचा (panther) वावर वाढला आहे. सोमवारी रात्री देखील युनिट 31 मधील एका घरामध्ये बिबट्या शिरल्याने दहशत पसरली आहे. तर महिन्याभरात बिबट्याच्या हल्ल्यात (panther attack) दोन जण जखमी ही झाले आहेत. त्यामुळे संजय गांधी राष्ट्रीय उद्यान (sanjay Gandhi national park) विभागाने यासंदर्भात योग्य पावलं उचलण्याची मागणी होऊ लागली आहे.

सोमवारी रात्री युनिट 31 मधील घरात बिबट्या भक्ष्याच्या शोधात आल्याचे दिसले. तर रविवारी युनिट 3 मधील एक लहान मुल बिबट्याच्या हल्ल्यात जखमी झाले. यापूर्वी एक महिला देखील बिबट्याच्या हल्ल्यात जखमी झाली होती. हल्ल्यांशिवाय बिबट्याचा आसपासच्या मानवी वस्तीत वावर असल्याचे अनेकदा दिसले आहे. अलीकडे आरे परिसरातील वस्त्यांमध्ये बिबट्याचा वावर वाढला असून राहिवाश्यांमध्ये भीतीचे वातावरण असल्याचे आदिवासी हक्क संवर्धन समितीचे भूषण भोईर यांनी सांगितले. काही महिन्यांपूर्वीच मुलाच्या लग्न समारंभाआधी मांडवात बिबट्याचे दर्शन झाल्याचे ही त्यांनी सांगितले. स्वसंरक्षाचे धडे लोकांना देणे गरजेचे असून प्रशासनाने त्यासाठी विशेष पथक बनवणे गरजेचे असल्याचे ही त्यांनी सांगितले.

आरे परिसरात अनधिकृत बांधकामाचं पेव्ह फुटलं आहे. त्यामुळे जंगल कमी होत असल्याचे कार्यकर्ते संदीप परब यांनी सांगितले. बिबट्यांची संख्या वाढत असून ते नाईलाजाने मानवी वस्तीत घुसत असल्याचे ही परब सांगतात. त्यामुळे अनधिकृत बांधकाम थांबवून संपूर्ण आरे परिसरतील 2500 एकर चा परिसर जंगल घोषित करणे गरजेचे असल्याचे ह त्यांनी पुढे सांगितले. याबाबत संजय गांधी राष्ट्रीय उद्यान विभागातील अधिकाऱ्यांशी संपर्क साधला असता तो होऊ शकला नाही.

बछडा रेस्कू

आरेच्या युनिट 22 ने बिबट्याचा छोटा बछडा रेस्कू केला. हा बछडा आरे मेट्रोच्या कारशेड जवळ सापडला असून त्याची वैद्यकीय तपासणी करण्यात आली.काही दिवसांपूर्वीच या बछड्याचा जन्म झाला असावा असे सांगण्यात आले. बिबट्याच्या बछड्याच्या माध्यमातून तो सापडलेल्या ठिकाणाकाजवळ त्याचा आईला शोध घेण्याचा प्रयत्न होणार आहे.