चेंबूर (बातमीदार) : कोरोना अधिकारी असल्याची बतावणी करून एका व्यक्तीला लूटणाऱ्या फरार आरोपीस चेंबूर बसंत पोलिसांनी अटक केली आहे. सोहन गणेश वाघमारे असे या आरोपीचे नाव आहे.
हे ही वाचा : पॅसेजमध्येच रुग्णांना ऑक्सिजन; डोंबिवलीच्या शास्त्रीनगर रुग्णालयातील धक्कादायक प्रकार...
चेंबूरच्या लाल डोंगर येथे रहाणारे फिर्यादी अब्दुल याकूब शेख (वय 49) हे 30 जून रोजी सायंकाळी 6 च्या सुमारास सरस्वती विद्यालय मार्ग क्रमांक 11 वरून चेंबूर रेल्वे स्थानकाकडे जात होते. यावेळी अचानक त्या ठिकाणी दोन अनोळखी व्यक्तींनी येऊन आपण कोरोना अधिकारी असल्याचे सांगत शेख यांची कागदपत्र असलेल्या बॅगेची तपासणी करून त्यातील कॅनरा बँकेचे एटीएम व त्या पिन नंबर हातचलाखीने मिळवला, त्यानंतर एटीएममधून 54 हजार रुपये काढत शेख यांची फसवणूक केली. या फसवणुकीबाबत फिर्यादी शेख यांनी चेंबूर पोलीस ठाण्यात जाऊन तक्रार दाखल केली होती.
त्यानुसार चेंबूर बसंत पोलीसांनी आरोपी विरोधात कलम 420, 34 भादवी अन्वये गुन्हा करत तपासास सुरुवात केली. त्यानंतर सी.सी.टी.व्ही. फुटेज तपासून गुन्हयात वापरण्यात आलेल्या गाडीच्या आधारे त्यांनी आरोपी सोहन यांस अटक केली. दरम्यान त्याचा साथीदार अद्याप ही फरार असून पोलिस त्याचा शोध घेत आहेत.
accused arrested for robbing a man by pretending to be a Corona officer
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.