मुंबई : मुंबई वाहतूक पोलिसांकडून मागील 5 दिवसात वाहतूक नियमांचे उल्लंघन केल्याप्रकरणी 200 हून अधिक रिक्षा चालकांवर कारवाई केली आहे. वाहतूक पोलिसांच्या सोशल मीडिया हॅण्डलवर रिक्षाचालकांबाबत वारंवार अनेक आलेल्या होत्या.

तक्रारींनंतर मुंबई वाहतूक पोलिसांनी 1 ते 5 मे दरम्यान 257 नियमांचे उल्लंघन करणाऱ्या रिक्षाचालकांवर कारवाई केली आहे. बोरिवली आणि वांद्रे या संदर्भात मोठ्या संख्येने कारवाई करण्यात आली.

बोरिवलीमध्ये 257 पैकी 221 चालकांना विशेषत: रेल्वे स्थानक परिसराबाहेर दंड ठोठावण्यात आला आहे. भाडे नाकारल्याबद्दल सुमारे 170, अतिरिक्त प्रवासी घेऊन जाण्यासाठी 3, चुकीच्या बाजूने वाहन चालवल्याबद्दल 9, नो-पार्किंग झोनमध्ये पार्किंग केल्याबद्दल 6, परवान्याशिवाय वाहन चालवल्याबद्दल 1 आणि इतर उल्लंघनांसाठी 32 रिक्षा चालकांना दंड करण्यात आला.

त्याचप्रमाणे वांद्रे रेल्वे स्थानक परिसराबाहेर, वाहतूक पोलिसांनी ऑटो स्टँडबाहेर पार्किंग केल्याबद्दल सात ऑटो चालकांना, 'नो-एंट्री' झोनमध्ये प्रवेश केल्याबद्दल 16, नो-पार्किंग झोनमध्ये पार्किंग केल्याबद्दल 4 आणि भाडे नाकारल्याबद्दल 9 वाहनचालकांना दंड केला.

आकडेवारीत 1 एप्रिल ते 4 मे दरम्यान एसव्हीपी रोड गिरगाव येथे ऑपेरा जंक्शन ते अलंकार हाऊसपर्यंत 1357 वाहनांना दंड ठोठावण्यात आला आहे . आश्चर्याची बाब म्हणजे वाहतूक पोलिसांनी प्रथमच ही आकडेवारी ट्विटरवर फ्लॅश केली. या आकडेवारीची माहिती शोषल मीडियावर प्रसिद्ध करण्यामागील पोलिसांचा उद्देश म्हणजे लोकांना वाहतूक नियमांचे उल्लंघन केल्यावर होणाऱ्या परिणामांची जाणीव करून देणे आहे.