मुंबई : अभिनेत्री सेजल शर्मा (वय 24 ) हिने आज सकाळी मीरारोड येथील आपल्या राहत्या घरी गळफास घेऊन आत्महत्या केली. नैराश्यातून आपण आत्महत्या करत असल्याचे तिने चिठ्ठीत लिहून ठेवले आहे. स्टार प्लस वाहिनीवरील "दिल तो हॅप्पी है' या मालिकेत ती प्रमुख भूमिकेत होती.
मीरा रोडच्या पूर्वेकडील शिवार गार्डन परिसरातील रॉयल नेस्ट या इमारतीत ती मैत्रीणीसोबत राहात होती. आज सकाळी घरातील पंख्याला गळफास घेऊन तिने आत्महत्या केली. आत्महत्येपूर्वी तिने लिहिलेली चिठ्ठी पोलिसांना सापडली. गेल्या दीड महिन्यांपासून नैराश्यात असल्याने आत्महत्या करत असल्याचे तिने चिठ्ठीत लिहून ठेवले. सेजल राजस्थानच्या उदयपूर येथील मूळ रहिवासी असून 2017 मध्ये ती मुंबईला आली होती. तिची मालिका काही महिन्यांपूर्वी बंद झाल्यानंतर ती नैराश्यात होती, असे पोलिसांनी सांगितले.
तिच्या आत्महत्येमागे आणखी काही खाजगी कारणे आहेत का, त्याचा शोध सुरु आहे, असे मीरा रोड पोलिस ठाण्याचे वरिष्ठ पोलिस निरीक्षक संदीप कदम यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.