तुर्भे : नेरुळ विभागात घरोघरी जाऊन विविध राष्ट्रीय कार्यक्रम राबविणाऱ्या तसेच कोरोनासंदर्भात सर्वेक्षण करणाऱ्या आशासेविकांना गेल्या सहा महिन्यापासून वेतन देण्यात आलेले नाही. त्यामुळे त्यांच्यावर उपासमारीची वेळ आली आहे. 

मोठी बातमी : महाविकास आघाडीच्या बैठकीत 'मोठा' निर्णय; 'या' तारखेपर्यंत महाराष्ट्रात लॉक डाऊन वाढवणार - सूत्रांची माहिती

आशासेविका घरोघरी जाऊन सरकारने नेमून दिलेले राष्ट्रीय काम करतात. कुकशेत येथील नागरी आरोग्य केंद्रात आशासेविका कार्यरत आहेत. त्यांना सहा महिन्यांपूर्वी व्यवस्थित वेतन मिळत होते. परंतु पालिकेच्या आरोग्य विभागाने वेतनासाठीची प्रक्रिया बदलली. त्यामुळे आशासेविकानी बदललेल्या वेतन प्रक्रियेत माहिती भरून त्यांची झेरॉक्स प्रत नागरी आरोग्य विभागाला देण्याची आवश्यकता होते. मात्र बहुतांश आशासेविकानी नव्या वेतन प्रक्रियाची माहिती भरून झेरॉक्स प्रत नागरी आरोग्य केंद्रात दिली नाही. त्यामुळे त्यांचा पगार देण्यात आलेला नाही. नागरी आरोग्य केंद्राला महिन्याला झेरॉक्ससाठी दहा हजार रुपये महापालिका देते. तर, त्यांनी आम्हाला झेरॉक्स का दिल्या नाहीत असा प्रश्न आशा कर्मचाऱ्यांनी उपस्थित केला आहे.

महत्वाची बातमी : कोरोनाबाधित रुग्णांसाठी मुख्यमंत्र्यांची 'मोठी' घोषणा

याबाबत मुख्य वैद्यकीय अधिकारी बाळासाहेब सोनावणे यांनी सांगितले, की योग्य ती कार्यवाही करून वेतन काढण्यात येईल.

Affordability of hopefuls raising awareness for Corona, starvation due to lack of salary