डोंबिवली - मोठागावच्या शेहनशहा या बैलाचा वाढदिवस डोंबिवलीत नुकताच धूमधडाक्यात पार पडला. कोरोनाचा प्रादुर्भाव वाढत असताना गर्दी टाळण्याचे आवाहन वारंवार प्रशासनाकडून करण्यात येतंय. मात्र वारंवार आवाहन करूनही शेहनशहाच्या वाढदिवसाला डोंबिवलीतील काही तरुणांनी गर्दी केली होती.

हा शेहनशहा म्हणजे किरण म्हात्रे यांचा बैल असून बेईलच्या वाढदिवसाच्या पार्टीत कोरोना नियमाचे उल्लंघन केल्याप्रकरणी विष्णूनगर पोलिस ठाण्यात शुक्रवारी आयोजकावर गुन्हा दाखल करण्यात आल्याचे विष्णूनगर पोलिस ठाण्याचे वरिष्ठ पोलिस निरिक्षक संजय साबळे यांनी सांगितले.

महत्त्वाची बातमी : बलात्काराचा आरोप असलेल्या सावत्र वडिलांना सत्र न्यायालयाने नाकारला जामीन, जाणून घ्या नक्की काय आहे प्रकार

डोंबिवली पश्चिमेतील मोठागांव येथे गोवर्धन टॉवरच्या समोर प्रेमाबाई निवास येथे किरण एकनाथ म्हात्रे यांनी त्यांच्या बैलाच्या वाढदिवसाच्या पार्टीचे जंगी आयोजन केले होते. गुरुवारी रात्री घराच्या पाठीमागे आयोजित या पार्टीमध्ये मोठागावचा शेहनशहा असलेल्या या बैलाचा वाढदिवस धूमधडाक्यात साजरा देखील झाला.

या वाढदिवसाचे युट्युबवर चक्क लाईव्ह स्ट्रिमिंग ठेवण्यात आले होते. कार्यक्रमावेळी आयोजित नाच गाण्याच्या कार्यक्रमात वाढदिवसाला जमलेल्या मंडळींनी कोरोनाचे सर्व नियम पायदळी तुडविल्याचे दिसून आले. या वाढदिवसाची युट्यूब लिंक सर्वत्र व्हायरल होत होती आणि त्याविषयी शहरात चर्चा देखील रंगल्या.

महत्त्वाची बातमी : इंजिन, जनरेटर, GPS सगळं झालेलं बंद; भरकटणाऱ्या व्यापारी बोटीच्या मदतीला धावून आली INS तलवार

याची माहिती विष्णूनगर पोलिसांना मिळताच त्यांनी घटनेचा तपास केला. कार्यक्रमाची कोणतीही परवानगी न घेता तसेच कोरोना नियमांचे उल्लंघन केल्याप्रकरणी आयोजक म्हात्रे याच्याविरोधात शुक्रवारी विष्णूनगर पोलिस ठाण्यात गुन्हा दाखल करण्यात आला.

कोरोनाच्या वाढत्या पार्श्वभूमीवर सोहळे, कार्यक्रमांना गर्दी करु नका असे पालिका प्रशासन, पोलिस यंत्रणा वारंवार आवाहन करीत असूनसुद्धा शहरात असे कार्यक्रम होत असल्याचे निदर्शनास येत आहे.

amid corona kiran mhatre celebrated birthday of their bull without following rules case registered