मुंबई : अंधेरी घाटकोपर (andheri-ghatkopar) जोड रस्त्याची दुरुस्ती (road repairing) सुरु असताना रस्त्याला तडे जात आहे. त्यामुळे आता महानगरपालिका (bmc) विरमाता जिजाबाई तंत्रज्ञान संस्थेच्या (VJTI) तज्ञांची (experts) मदत करणार आहे. हे तज्ञ भौगोलिक सर्वेक्षण (geographical survey) करुन उपाय सुचवणार आहे. घाटकोपर अंधेरी जोड रस्ता हा पुर्व आणि पश्‍चिम उपनगरांना जोडणारा प्रमुख रस्ता आहे. तसेच या परीसरात औद्योगिक वसाहत असल्याने नेहमीच वाहानांची वर्दळ (traffic) असते. तसेच, याच मार्गावरुन मेट्रो (metro) धावत आहे.

मुंबईतील महत्वाचा रस्ता असल्याने त्यावरील वाहतुक बंद न करता महानगर पालिका या रस्त्याची दुरुस्ती करत होती.अस्तीत्वात असलेल्या रस्त्यावरच सिमेंट कॉक्रिकटचा रस्ता बनवला जात असून 2016 पासून काम सुरु करण्यात आले.आता पर्यंत ते 99 काम टक्के पुर्ण झाले आहे.मात्र,या नव्या रस्त्याला अंधेरी पुर्वेकडील भागात काही ठिकाणी तडे गेले असल्याचे आढळले आहे.

यावर उपाय म्हणून महानगर पालिकेने व्हीजेटीआय संस्थेच्या तज्ञांची मदत घेण्याचा निर्णय घेतला आहे.हे तज्ञ तडे गेलेल्या भागाचे भौगोलीक सर्वेक्षण करुन त्यावर उपाय सुचविणार आहे.या सल्ल्यासाठी दहा लाख रुपयांचे शुल्क देण्यात येणार आहे.तसा प्रस्ताव बुधवारी होणाऱ्या स्थायी समितीच्या पटलावर मांडण्यात आला आहे.व्हीजेटीआय संस्थेचे प्रो.डॉ.अभय बंबोले यांनी पालिकेच्या अभियंत्यां समवेत प्रत्यक्ष पाहाणीही केली आहे.असे या प्रस्तावात नमुद करण्यात आले आहे.

महत्वाचा रस्ता

-अंधेरी पासून घाटकोपर पर्यंत थेट प्रवास

-पवई,कुर्ला येथे जाण्यास मार्ग

-एमआयडीसी या औद्योगिक वसाहती तसेच मरोळ परीसरातील औद्योगिक वसाहतींसाठी महत्वाचा मार्ग

- 4.32 किलोमिटर लांब

- 45.46 मिटर रुंद