मुंबई : मनी लाँड्रिंग प्रकरणात माजी गृहमंत्री अनिल देशमुख (Anil Deshmukh) यांचा जामीन मुंबईतील (Mumbai) विशेष न्यायालयने फेटाळला. न्यायाधीश आर. एन. रोकडे यांनी हा निर्णय दिला आहे. अनिल देशमुख सध्या मुंबईच्या आर्थर रोड तुरुंगात (Arthur Road Jail) न्यायालयीन कोठडीत आहेत.

महाराष्ट्राचे माजी गृहमंत्री अनिल देशमुख जामिन अर्ज कोर्टाने नाकारला. मुंबई सत्र न्यायालयाला विशेष पीएमएलए कोर्टाने हे महत्वाचे आदेश दिले आहेत. त्यामुळे अनिल देशमुख यांना दिलासा मिळालेला नाही. तब्बल 100 कोटी रुपये वसुलीच्या मनी लाँड्रिंग प्रकरणात देशमुख यांना ईडीने अटक केली होती. त्यानंतर त्यांना तुरुंगाबाहेर येण्यासाठी अद्यापही जामीन मिळालेला नाही.

दरम्यान, ईडीने 29 डिसेंबर 2021 रोजी अनिल देशमुख आणि त्यांच्या दोन मुलांविरुद्ध गुन्हे दाखल केले होते. त्यावेळी त्यांना अटक करण्यात आली होती, तेव्हापासून ते तुरुंगातच आहेत. या प्रकरणी अनिल देशमुख यांनी सेशन कोर्टात नियमित जामिनासाठी अर्ज दाखल केला होता.