मुंबई : गतवर्षी मार्च महिन्यात देशभरात कोरोना विषाणूचा (Corona virus) उद्रेक झाला. त्यानंतर देशातील सार्वजनिक क्षेत्रासह खासगी उद्योगांनाही कोरोनाची झळ बसली. राष्ट्रीय-आंतराष्ट्रीय विमान प्रवासही ( Flights stops) कोरोनामुळे बंद झाला. त्यामुळे विमानतळावर काम करणाऱ्या कर्मचाऱ्यांच्या ( Employee Income) रोजगारावर गदा आली. पर्पेच्युअल डिसूझा (Perpetual Dsouza) ही अशाच कर्मचाऱ्यांपैकी एक. ( Animal Activist Perpetual Dsouza excellent social work even in Financial Crisis)

पर्पेच्युअल फ्लाईट अटेंडन्ट होती. पण विमानच बंद झाल्यामुळे तिला बिनपगारी रजा देण्यात आली. पर्पेच्युअलला प्राण्यांची प्रचंड आवड आहे. तिने स्वत:च्या घरी 5 कुत्रे आणि 8 मांजरी पाळल्या आहेत. त्याशिवाय ती भटक्या कुत्र्यांनीही खाऊ घालायची. पगार बंद झाल्यामुळे या मुक्या जनावरांचं पालन पोषण कसं करायचं हा प्रश्न तिच्यासमोर निर्माण झाला.

''कोरोना महामारी येण्यापूर्वी माझ्या एअरलाईन कंपनीकडून मला चांगला पगार मिळायचा. त्या मिळकतीमधून माझा कौटुंबिक खर्च, पाळीव प्राण्यांचा तसेच भटक्या कुत्र्यांची काळजी घेणं मला शक्य व्हायचं. पण कोरोना महामारी संकटानं तोंड उघडलं आणि सारं काही उद्धवस्त झालं'' अशी दुख:द भावना पर्पेच्युअल व्यक्त केली.

पर्पेच्युअल केक चांगले बनवता यायचे. तिचा प्रियकर हॅम्पस बर्गक्विस्ट तिच्या केक बनवण्याच्या कौशल्याचं कौतुक करायचा. त्याने तिला प्रोत्साहन दिले. पर्पेच्युअलकडे केक्स बनवण्याचं अफलातून टॅलेंट आहे हे तिच्या पार्टनरला हॅम्पसला माहित होतं. त्यानंतर पर्पेच्युअलने लॅाकडाऊनच्या संकटातही सोशल मीडियाच्या माध्यमातून व्यवसाय सुरु केला. केक्स विक्रीसाठी पर्पेच्युअलने अंधेरी ते बोरिवली असा सायकलप्रवास केला. पर्पेच्युअल आता पूर्णवेळ केकच्या व्यवसायाकडे वळली असून ती आता यातून बऱ्यापैकी पैस कमावतेय तसेच भटक्या प्राण्यांचाही सांभाळ करत आहेत.