मुंबई - माजी महसूल मंत्री एकनाथ खडसे यांच्या राष्ट्रवादी कॉंग्रेस पक्षातील प्रवेशानंतर राजकिय चर्चांना उधान आले आहे. खडसे यांच्यानंतर भाजप समर्थक मीरा भाईंदरच्या अपक्ष आमदार गीता जैन या शिवसेनेच्या वाटेवर असल्याची शक्यता वर्तवण्यात येत आहे.
एकनाथ खडसे यांनी राष्ट्रवादीत प्रवेश केल्यानंतर राज्यातील राजकिय वातावरण ढवळून निघाले आहे. भाजपमधील नाराज नेतेही पक्षांतर करू शकतात अशा चर्चांना वेग आलेला असताना आता मीरा भाईंदरमधील अपक्ष आमदार गीता जैन शनिवारी शिवसेनेत प्रवेश करणार असल्याची माहिती सुत्रांनी दिली आहे. गीता जैन मीरा भाईंदरच्या माजी महापौर आणि भाजपनेत्या आहेत. परंतु गत विधानसभा निवडणूकीत गीता यांचे विरोधक मानले जाणाऱ्या नरेंद्र मेहता यांना भाजपकडून उमेदवारी देण्यात आली होती. नरेंद्र मेहता हे विरोधी पक्षनेते देवेंद्र फडणवीस यांचे जवळचे मानले जातात. त्यामुळे गीता यांनी बंडखोरी करत अपक्ष निवडणूक लढवली आणि त्यांनी मेहतांचा पराभव केला.
निवडणूकांच्या निकाला नंतर भाजपला पूर्ण बहुमत नसल्याने, गीता यांना भाजपला समर्थन देण्याचा आग्रह धरण्यात आला. गीता यांनी भाजपला समर्थन दिलेही. परंतु याच दरम्यान त्यांना शिवसेनेनेही समर्थन देण्याविषयी आवाहन केल्याची माहिती आहे. आता राज्यातील राजकिय गणितं बदलली आहेत. त्यामुळे गीता जैन शिवसेनेत प्रवेश करणाऱ असल्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.