मुंबई - मध्य रेल्वे मार्गावरील अंबरनाथ ते बदलापूर दरम्यान चिखलोली हे नवे स्थानक उभारण्यात येणार आहे. त्यासाठी ८१.९३ कोटी रूपयांचा खर्च करण्यात येणार आहे. स्थानकांच्या उभारण्यासाठी मुंबई रेल्वे विकास महामंडळ (एमआरव्हीसी)कडून निविदा काढल्या आहे.

मध्य रेल्वेच्या उपनगरीय मार्गावर ४० लाख प्रवासी दररोज प्रवास करतात. मुंबई शहराच्या तुलनेत ठाणे, कल्याण, डोबिंवलीसह इतर स्थानकांमधील दैनंदिन प्रवाशांची संख्या वाढत आहे. विशेष म्हणजे अंबरनाथ आणि बदलापूर स्थानकावरील प्रवाशांच्या गर्दी गेल्या काही वर्षांपासून प्रचंड वाढली आहे.

त्यामुळे अंबरनाथ-बदलापूर दरम्यान चिखलोली स्थानक उभारण्याची मागणी प्रवासी आणि स्थानिक लोकप्रतिनिधीकडून करण्यात आली होती. तसा प्रस्तावही २०२० मध्ये रेल्वे मंडळाकडे प्रस्ताव पाठवण्यात आला होता. त्याला मजुरी मिळाली होती. आता या स्थानक उभारण्याचे काम मुंबई रेल्वे विकास महामंडळ (एमआरव्हीसी)कडून करण्यात आली आहे.

स्थानकाच्या उभारणीसाठी एकूण ८. ५० एकर जमीन संपादित करण्यात आली आहे,. आता चिखलोली स्थानकांच्या उभारण्यासाठी मुंबई रेल्वे विकास महामंडळ (एमआरव्हीसी)कडून निविदा काढल्या आहे. या स्थानकात चार फलाट बनवण्यात येणार असल्याची माहिती एमआरव्हीसीच्या अधिकाऱ्यांनी दिली आहे.

दोन वर्षात काम पूर्ण होणार

चिखलोली परिसरातील रहिवाशांची जास्त काळ गैरसोय होऊ नये म्हणून पुढील दोन वर्षात स्थानक उभारण्याचे उद्दिष्ट रेल्वेने ठेवले असून त्यासाठी आर्थिक निधीही मुबलत मिळवून दिला आहे. चिखलोली स्थानकामुळे अंबरनाथ-बदलापूर स्थानकावरील प्रवाशांच्या गर्दीचे विभाजन करण्यास मदत होईल.