मुंबई: सचिन वाझेचे सहकारी पोलीस अधिकारी रियाझ काझी याला रविवारी NIAने अटक केली. उद्योगपती मुकेश अंबानी यांच्या घराबाहेर स्फोटकांनी भरलेली गाडी ठेवल्याप्रकरणी सर्वप्रथम सचिन वाझेला अटक करण्यात आली होती. त्यानंतर NIAने पोलीस अधिकारी रियाझ काझीला अनेकदा चौकशीसाठी बोलावलं होतं. त्यामुळे त्यांच्यावर कारवाई केली जाणार अशी शक्यता वर्तवण्यात येत होती. तशातच स्फोटकांच्या कटात सामील असणे आणि त्यानंतर पुरावे नष्ट करण्यासाठी मदत करणे या आरोपांखाली सचिन वाझेचा सहकारी रियाज काझीला अटक करण्यात आल्याची माहिती आहे.

"दिल्लीत बसून ज्ञानामृत पाजणाऱ्यांची महाराष्ट्राला गरज नाही"

अंबानी यांच्या घराबाहेर स्फोटके ठेवण्याच्या कटामध्ये रियाझ काझीही सामील होता अशी शंका NIA ला सुरूवातीपासूनच होती. म्हणूनच सचिन वाझेला ताब्यात घेतल्यानंतर काही दिवसांतच रियाझ काझीला चौकशीसाठी बोलवलं गेलं. त्याची वारंवार चौकशी करण्यात येत होती. CIU चे प्रमुखपद वाझेकडे होते आणि रियाझ हा देखील CIUचा अधिकारी असल्याने त्याच्यावर NIAला संशय असल्याचं समजलं होतं. अखेर रविवारी NIAने रियाझ काझीला कटात सहभागी असणे आणि पुरावे नष्ट करण्याचा प्रयत्न व मदत केल्याप्रकरणी अटक केली. रियाझ काझीसह CIU मधील अनेक अधिकाऱ्यांची NIAकडून चौकशी सुरू आहे. त्यामुळे आणखी अधिकारी या कटात सामील होते की नाही याबद्दल चर्चा आहे.

"मुख्यमंत्री आपल्या बाब्याचे लाड कधी थांबवणार?"

कोण आहे  रियाझ काझी?

API रियाझुद्दीन काझी 102 बॅचचे पोलीस अधिकारी आहेत. 2010 मध्ये त्यांनी एमपीएससी परीक्षा उत्तीर्ण केली. त्यानंतर त्यांची पोलीस भरती झाली. त्यांचे पहिले पोस्टिंग वर्सोवा पोलीस स्टेशनमध्ये PSIच्या पोस्टवर झालं होतं. तेथे त्यांनी प्रोबेशन पीरियडवर काम केले. वर्सोवा पोलीस स्टेशनमध्ये काही वर्षे काम केल्यावर त्यांची अँटी चेन-स्नॅचिंग स्कॉडमध्ये बदली करण्यात आली. त्यानंतर रियाझुद्दीन यांची थेट CIU मध्ये बदली झाली. अँटिलिया स्फोटक प्रकरणात त्यांचा सहभाग असल्याचा संशय बळावताच त्यांची बदली LA मध्ये करण्यात आली.

अखेर रविवारी रिजाझला पुरावे नष्ट करणे, तसेच गुन्हा घडत असल्याची माहिती असतानाही त्यात सहभागी होण्याच्या आरोपाखाली NIAने अटक केली.