मुरबाड - भीमाशंकर अभयारण्य  परिसरातील ठाणे, पुणे, रायगड या तीन जिल्ह्यातील 42 गावांचा परिसर केंद्र सरकारने इको सेन्सिटिव्ह झोन (पर्यावरण दृष्ट्या संवेदनशील क्षेत्र) म्हणून जाहीर केला आहे. त्यामध्ये सर्वात जास्त 15 गावे मुरबाड तालुक्यातील असून त्या खालोखाल रायगड  जिल्ह्याच्या कर्जत तालुक्यातील 11, पुणे जिल्ह्याच्या आंबेगाव तालुक्यातील 8, जुन्नर तालुक्यातील 5 व खेड तालुक्यातील 3 गावांचा परिसर सामाविष्ट आहे.

महात्मा ज्योतिबा फुले आरोग्य योजनेची मुदत वाढली; आरोग्य विभागाने घेतलेल्या निर्णयाविषयी जाणून घ्या

भीमाशंकर अभयारण्य परिसरातील पर्यावरण संरक्षणासाठी केंद्र सरकारच्या पर्यावरण व जल वायू परिवर्तन मंत्रालयाने नुकतीच 5 ऑगस्ट रोजी ही अधिसूचना  काढली  आहे  स्थानिक लोकांचा विरोध डावलून केंद्र सरकारने हा निर्णय घेतला आहे. मुरबाड तालुक्यातील डोंगर न्हावे, जांभूर्डे, खानिवरे, साकुर्ली, नारीवली,  उचले, देहरी, खोपीवली, मिल्हे, दुधनोली, उमरोळी खुर्द, दुर्गापूर, मढ, रामपूर व पळू या 15 गावातील ग्रामस्थांवर यामुळे काही बंधने येणार आहेत. तर या क्षेत्रात असलेले सिद्धगड, गोरखगड सारखे किल्ले, लेणी, निसर्ग सौंदर्य, हुतात्मा भाई कोतवाल व हुतात्मा हिराजी पाटील यांचे स्मारक यामुळे आगामी काळात या भागातील पर्यटन व्यवसाय वाढीस लागण्याची शक्यता आहे.

भ्रष्टाचाराचा भस्मासूर! दरवर्षी ट्रकचालकांकडून कोट्यावधी रुपयांची उकळली जाते लाच! 

संवेदनशील क्षेत्र म्हणून जाहीर केलेल्या गावांतील दगड, मातीच्या खाणी, विट भट्टया बंद कराव्या लागणार आहेत.  डोंगर उताराचे संरक्षण करण्यासाठी तेथे कोणत्याही बांधकामाला परवानगी मिळणार नाही. अस्तित्वातील रस्ते रुंदीकरण व मजबुतीकरण करणे, नवीन रस्ते तयार करणे, पायाभूत व नागरी सुविधांचा बांधकाम व नुतनीकरण  तसेच प्रदूषण न करणारे लघु उद्योग स्थानिकांना रोजगार देणारे इको टुरिझम ,होम कॉटेजसारखे व्यवसाय पूर्व परवानगी घेऊन करता येणार आहेत. 

area of ​​42 villages in bhimashankar sanctuary declared as eco sensitive zone

------------------------------------------------------------

( संपादन - तुषार सोनवणे )