मुंबई : कोटक महिंद्र बँकेच्या कोटक प्रायव्हेट बँकिंग विभागातर्फे देशातल्या विविध शहरातील दृष्टीहीन मुलांची शस्त्रक्रिया तसेच त्यांच्यावरील उपचार आदींसाठी व्हीजन फाउंडेशनच्या सहकार्याने उपक्रम राबवला जाईल.

या मोहिमेत हुबळी, सांगली, नाशिक, वलसाड, बंगलोर आधी शहरांमधील अठरा वर्षांपर्यंतच्या मुलांच्या नेत्र शस्त्रक्रियेसाठी सहाय्य केले जाईल. त्याखेरीज सुरुवातीची तपासणी, अन्य दोष दूर करणे, मोतीबिंदू व अन्य रोगांवर उपचार,

रेटीना मधील दोष आदींवर उपचार केले जातील, अशी माहिती कोटक प्रायव्हेट बँकिंगचे सीईओ ओशार्य दास यांनी दिली. गेली तीन वर्षे कोटक प्रायव्हेट बँकिंग तर्फे दिवाळीत, कर्करोगाशी लढा देणाऱ्या मुलांना सहाय्य केले जाते, तसेच गुणी मुलांना शिष्यवृत्तीही दिल्या जातात.