मुंबई - योगेंद्र मफतलाल समूहाचे उद्योजक अतुल्य मफतलाल (वय ६०) यांचे आज पहाटे मुंबईत झोपेतच निधन झाले.

त्यांना काल रात्रीपासूनच अस्वस्थ वाटत होते. आज पहाटे ते चार वाजता तशाच अवस्थेत उठले, मात्र ते नंतर पुन्हा झोपायला गेले. मात्र नंतर त्यांचे सेवक त्यांना सहा वाजता उठवायला गेले असता ते मृत झाल्याचे आढळून आले. त्यांना ब्रिच कँडी रुग्णालयात नेण्यात आले, मात्र त्यापूर्वीच त्यांचे निधन झाल्याचे डॉक्टरांनी सांगितले. अजय व अतुल्य या दोघा भावांमधील संपत्तीच्या वादामुळे ते दोघे चर्चेत आले होते. अतुल्य यांचे दोन विवाह झाले होते. मफतलाल उद्योगसमूह रसायने, कापड यांच्या उत्पादनात होता. योगेंद्र मफतलाल यांच्या मृत्यूनंतर त्या कुटुंबात अनेक वाद उफाळून आले. अजय-अतुल्य यांच्या वादात त्यांचे घरही विभागले गेले होते.