मिरा रोड ः  मीरा-भाईंदरच्या अपक्ष आमदार गीता जैन यांच्या नावाने सोशल मिडियावर एक ऑडिओ क्लिप व्हायरल झाली आहे. त्यात त्यांनी केंद्र तसेच राज्य शासनावर टीका करून संशयित कोरोना रुग्णांना पॉझिटिव्ह ठरविण्याचा धंदा सुरू असल्याचा आरोप केला आहे. या क्लिपमुळे शहरातील राजकीय वर्तुळात खळबळ उडाली असून जैन यांनी ही ऑडिओ क्लिप बनावट असल्याचा व्हिडीओ सादर करीत त्याविरोधात नवघर पोलीस ठाण्यात गुन्हा दाखल केला आहे.

'या' जिल्ह्यातील गावी जाऊ इच्छिणाऱ्या मजुरांना मोठा दिलासा, अशा पद्धतीने करावा लागणार अर्ज

जैन यांच्या नावे एक ऑडिओ क्लिप शनिवारी सोशल मीडियावर व्हायरल करण्यात आली. त्यात त्यांनी कोरोनाग्रस्तांच्या उपचारासाठी केंद्र शासनाने दिड लाख रुपये मंजूर केल्याचे सांगून त्यासाठी खाजगी डॉक्टर, पॅथॉलॉजी लॅब द्वारे जास्तीत जास्त रुग्णांना कोरोना पॉझिटिव्ह ठरविण्याचे निर्देश देण्यात आल्याचा आरोप केला आहे. यामुळे सर्दी, ताप, खोकला आदी आजाराने त्रस्त रुग्णांना कोरोना पॉजिटीव्ह ठरवून त्यांना रुग्णालयात दाखल करण्याचा धंदा सुरू असल्याचे म्हटले आहे.

'त्या' नवजात मुलीच्या आईचा लागला शोध, उघड झालं 'सत्य'..

केंद्राकडून दिड लाखांच्या उपचार खर्चाला मंजुरी मिळताच त्या रुग्णांना बरे ठरवून घरी पाठविले जाते. हे बंद करण्याकरीता रुग्णांनी डॉक्टर व लॅबमध्ये कोरोना टेस्टसाठी न जाता घरीच राहुन घरगुती उपचार करण्याचा सल्ला त्यांच्याकडून देण्यात आला आहे. लोकांनी याला बळी पडू नये व दुसऱ्यालही बळी पाडू नये, असे आवाहन त्यांनी केले आहे. काही बड्या असामी कोरोनाच्या नावाखाली लोकांकडून पैसे उकळत असताना केंद्र व राज्य शासन मात्र एकमेकांवर जबाबदारी झटकत आहेत. त्यांना लोकांची काळजी नाही. त्यामुळे लोकांनी स्वतःची काळजी स्वतःच घ्यावी, यासाठी हा संदेश पाठवीत असल्याचे त्या व्हायरल ऑडिओ क्लिपमध्ये म्हटले आहे.

भाजप खासदाराचा शरद पवारांना टोला; राममंदिराच्या भूमिकेवरुन रणकंदन सुरू...

त्याची गंभीर दखल घेत जैन यांनी हे घाणेरडे राजकारण काही नतभ्रष्ट नेत्यांच्या सांगण्यावरून आपल्याला बदनाम करण्यासाठी करण्यात आल्याचा आरोप केला आहे. या विरोधात त्यांनी नवघर पोलीस ठाण्यात सायबर क्राईम अंतर्गत गुन्हा दाखल केला आहे. 

---------------------------------------------------------------

संपादन - तुषार सोनवणे