मुंबई, ता. 28 : भारतीय वैद्यकीय संशोधन परिषदेने (आयसीएमआर) कोविड19 सिरो सर्व्हे 3 सुरू केला असून यामधून वैद्यकीय कर्मचाऱ्यांच्या आरोग्याची तपासणी करण्यात येत आहे. या सर्व्हेनंतर कोरोना प्रतिबंधात्मक लसिकरणाला सुरूवात करण्यात येणार आहे. त्यामुळे हा सर्व्हे जानेवारीपर्यंत पूर्ण करण्याचा निर्णय आयसीएमआरने घेतला आहे.  

Bullet Train Breaking : भूसंपादनासाठी होणाऱ्या विलंबामुळे बुलेट ट्रेन सुरवातीला गुजरापतपर्यंत धावण्याची शक्यता

गुरूवारपासून या सर्व्हेला सुरूवात झाली असून जानेवारी महिन्याच्या मध्यापर्यंत सर्व्हे पुर्ण करण्यात येणार आहे. या सर्व्हेच्या माध्यमातून 70 जिल्ह्यांतील 29 हजार लोकं तसेच वैद्यकीय कर्मचाऱ्यांची तपासणी केली जाणार आहे. दुसरा सिरो सर्व्हे केलेल्या ठिकाणीच हा सर्वे केला जाणार आहे. हा सिरो सर्व्हे अत्यंत महत्वाचा असून यामुळे लसिकरणाची सर्वाधिक गरज कुणाला आहे ते ठरवण्यास मदत मिळणार असल्याचे आयसीएमआर संसर्गजन्य आजार विभागाचे प्रमुख डॉ समिरन पांडा यांचे म्हणणे आहे.  

महत्त्वाची बातमी : यंदाचा थर्टीफर्स्ट साजरा करा शिस्तीत, मुंबईच्या रस्त्यांवर ३५ हजार पोलिस घालणार गस्त

दुसऱ्या सिरो सर्व्हमध्ये 10 वर्षांवरील मुलांच्या संसर्गाबाबत अभ्यास करण्यात आला होता. सिरो सर्व्ह 3 मध्ये वैद्यकीय कर्मचाऱ्यांमधील संसर्गाचे प्रमाण समजण्यास मदत मिळणार असून त्यामुळे लसिकरणाची प्राथमिकता ठरवण्यास संबंधित विभागाला मदत मिळणार आहे. हे सर्वेक्षण करणार्‍या नॅशनल इन्स्टिट्यूट ऑफ एपिडेमिओलॉजीचे संचालक डॉ. मनोज मुर्हेकर म्हणाले, मोठ्या लोकसंख्या असणाऱ्या परिसरातील संक्रमण आणि रोगप्रतिकारक शक्तीचे प्रमाण समजून घेणे हे उद्दीष्ट आहे. "तिसर्‍या सर्वेक्षणातील निकाल पुढील वर्षी लसिकरणापूर्वी उपलब्ध होतील,” असे ही डॉ. मुर्हेकर यांनी पुढे सांगितले. 

मुंबई परिसरातील बातम्यांचा आढावा घेण्यासाठी येथे क्लिक करा 

दुसरा सिरो सर्व्ह हा तरूणांमधील संसर्गाचे प्रमाण जाणून घेण्यासाठी करण्यात आला होता. देशातील 7 टक्के तरूण ऑगस्टच्या समाप्तीपूर्वी कोरोना व्हायरसच्या संपर्कात आले असावेत असा निष्कर्ष दुसर्‍या सिरो सर्व्ह केलेल्या संशोधकांनी काढला. हा अभ्यास 17 ऑगस्ट ते 22 सप्टेंबर दरम्यान करण्यात आला होता.

( संपादन - सुमित बागुल )

audit of health workers will be done through third sero survey in mumbai