महाराष्ट्रात येत्या काही दिवसांत विधानसभा निवडणूक होणार आहे. अशात शनिवारी रात्री गोळीबाराचे प्रकरण समोर आले आहे. राष्ट्रवादीचे अजित पवार गटाचे नेते बाबा सिद्दीकी यांच्यावर वांद्रे परिसरात गोळीबार करण्यात आला.
या गोळीबारानंतर बाबा सिद्दीकी यांना लीलावती रुग्णालयात दाखल करण्यात आले. मात्र, काही वेळाने लीलावती रुग्णालयाने त्यांच्या मृत्यूच्या वृत्ताला दुजोरा दिला. बाबा सिद्दीकी यांच्या मुलाच्या कार्यालयाजवळ गोळ्या झाडण्यात आल्याचे सांगण्यात येत आहे. पोलिसांनी आतापर्यंत दोन गुन्हेगारांना अटक केली आहे, तर आणखी एका गुन्हेगाराचा शोध सुरू आहे.
दरम्यान बाबा सिद्दीकी यांच्या हत्येनंतर त्यांनी सोशल मीडियावर केलेल्या शेवटच्या पोस्टवर युजर्स कमेंट्स करत त्यांना श्रद्धांजली वाहत आहेत. मुंबईतील बडे नेते आणि बॉलिवूडमध्ये प्रसिद्ध असलेल्या बाबा सिद्दीकींनी काल दसऱ्याच्या सणानिमित्त एक्सवर एका ओळीची पोस्ट लिहिली होती. यामधून त्यांनी विजयादशमी आणि दसऱ्याच्या शुभेच्छा दिल्या होत्या.
प्रसिद्ध उद्योगपती रतन टाटा यांचे दोन दिवसांपूर्वीच निधन झाले होते. त्यानंतर बाबा सिद्दीकी यांनी फेसबुकवर टाटा यांना श्रद्धांजली वाहीली होती. दरम्यान रतन टाटा यांना वाहीलेली श्रद्धांजली सिद्दीकी यांनी फेसबुकवरील पोस्ट शेवटची ठरली.
बाबा सिद्दीकी यांच्या या पोस्टखाली कमेंट करताना एक युजर म्हणाला, "काल बाबा सिद्दीकी यांनी रतन टाटा यांना श्रद्धांजली वाहिली पण आज रात्री तेच नाहीत. "हाच या जीवनाचा खरा रंग आहे."
सूत्रांनी दिलेल्या माहितीनुसार, दिल्ली पोलिसांच्या स्पेशल सेलनेही बाबा सिद्दीकी हत्या प्रकरणाचा तपास सुरू केला आहे. दिल्ली पोलिसांच्या काउंटर इंटेलिजन्स युनिटने या प्रकरणाचा तपास सुरू केला आहे. या पथकाने यापूर्वी मुंबईतील अनेक मोठ्या कारवायांमध्ये मुंबई पोलिसांसोबत काम केले आहे. आतापर्यंत अटक करण्यात आलेल्या दोन शूटर्सपैकी एक हरियाणाचा तर दुसरा आरोपी यूपीचा आहे. घटनास्थळी उपस्थित असलेल्या पोलिसांच्या पथकाने गोळीबार केल्यानंतर अवघ्या 10 मिनिटांत दोन्ही हल्लेखोरांना अटक केली.
मुंबई पोलीस सूत्रांकडून मिळालेल्या माहितीनुसार, बाबा सिद्दीकी यांच्या हत्येसाठी वापरलेले 9.9 एमएमचे पिस्तूल जप्त करण्यात आले आहे.
या हत्येमागे काही बड्या गुंडाचा हात असण्याची शक्यता पोलिसांना आहे. मुंबई क्राइम ब्रँचच्या टीमने यूपी एसटीएफ आणि हरियाणा सीआयएशीही संपर्क साधला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.