Kharghar: खारघर सेक्टर अकरा परिसरात काही सोसायटीच्या दुर्गंधी युक्त पाणी पाणी पुरवठा होत असल्यामुळे नागरिकांना पोटदुखी, उलटी आदी आजाराची लागण झाल्यामुळे नागरिकांमध्ये भीतीचे वातावरण पसरले आहे.

खारघर सेक्टर अकरा मधील साई शास्त्र, भैरवनाथ, जीवन सागर आणि इतरही काही सोसायटीत शनिवार ता.11 रात्री पासून दुर्गंधी युक्त पाणी पुरवठा होत आहे. जल वाहिनीच्या दुरुस्तीच्या कामामुळे पाण्याला वास येत असावे असे समजून त्याकडे दुर्लक्ष केल्यामुळे काही सोसायटी मधील रहिवासीयांच्या पोट दुःखी, उलटी आदी आजारात वाढ होवू लागल्यामुळे नागरिकांना बिसलेरीचे पाणी विकत घेवून प्यावे लागत आहे.काही नागरिकांकडे विचारणा केली असता, पाण्याला दुर्गंधी येत आहे.

लहान मुलांमध्ये उलटी, जुलाब आजार बळावण्याची भीती आहे. सिडकोने वेळीच लक्ष न दिल्यास प्रत्येक घरातील सदस्यांना रुग्णालयात दाखल व्हावे लागेल असे सांगितले. या विषयी सिडकोच्या पाणी पुरवठा विभागात विचारणा केली असता, माजी नगरसेविका लीना गरड यांच्या कडून नुकताच तक्रार प्राप्त झाली असून पाहणी पाणी तपासणीसाठी लॅब मध्ये पाठविण्यात येईल असे सांगितले

तीन दिवसापासून होणाऱ्या दुर्गंधी युक्त पाणी पुरवठा मुळे जवळपास तीन चार सोसायटी मधील मुले, महिला आणि नागरिकांना उलटी, पोटदुखी सारख्या आजाराची वाढ झाली आहे.सिडकोने वेळीच उपाय योजना करावी.- ऍड. मंगेश मालुसरे, पदाधिकारी साई शास्त्री सोसायटी से 11 खारघर

वर्ष भरापूर्वी परिसरातील सोसायटीतील सांडपाण्याचा निचरा होत नसल्यामुळे जलवाहिणीतून मलमिश्रित पाणी पुरवठा झाला होता. यावेळी यावेळी दुर्गंधी युक्त पाणी प्यावे लागत होते. त्यामुळे नागरिकांमध्ये उलटी, जुलाबचे आजाराची लागण झाली होती

सिडको आणि पालिका अधिकाऱ्यांनी संयुक्त पाहणी करून दुर्गंधी युक्त पाणी पुरवठा होत असल्याचा शोध घ्यावे, तसेच पाणी तात्काळ लॅब मध्ये तपासणीसाठी पाठवावे. तो पर्यंत टँकरने पाणी पुरवठा करावा.- प्रवीण पाटील, माजी नगरसेवक