Balasaheb Thackeray: परळ निवडणूक आम्ही जिंकून विधानसभेत प्रवेश करणारच, असा विश्वास शिवसेनेचे प्रमुख बाळासाहेब ठाकरे यांनी १९७०च्या शिवाजी पार्कवरील सभेत व्यक्त केला. आय. एस. जोहर, वैजयंतीमाला व निरुपा रॉय हे प्रमुख सिनेमा नट-नटी सभेस उपस्थित होते. स्वतंत्र पक्षाचे नाना चुडासमाही व्यासपीठावर दिसत होते.

वैजयंतीमाला यांनी 'शिवसेना झिंदाबाद ' एवढेच दोन शब्दांचे भाषण केले. याशिवाय दत्ताजी साळवी, प्रमोद नवलकर, सुधीर जोशी यांची भाषणे झाली.

ठाकरे यांनी आपल्या भाषणात कम्युनिस्ट नेते डांगे व प्रजासमाजवादी पक्षावर टीका केली. डांग्यांबद्दल ते म्हणाले, जगाच्या एकतृतीयांश भागात आमचे राज्य आहे असे डांगे नेहमी सांगत असतात पण मुंबईतील दळवी बिल्डिंगवर तरी तुमचे राज्य आहे काय, असा प्रश्न मला त्यांना विचारावयाचा आहे."

शिवसेनेस विधानसभेत निवडून द्यायचे होते म्हणून त्यांच्या कार्यकर्त्यांनी कृष्णा देसाईंचा खून केला, असा आरोप प्रजासमाजवादी कार्यकर्ते करतात. त्यास उत्तर देताना ठाकरे म्हणाले, " प्रजा- समाजवादी कार्यकर्ते राम महाडीक यांचे १९७२ चे निवडणुकीवर लक्ष आहे.

या निवडणुकीत शिवसेनेचे सदाकांत ढवण त्यांच्याविरुद्ध उभे राहणार होते, म्हणून त्यांचा खून प्रजासमाजवाद्यांनी केला का ? असा आरोप आम्ही केला तर काय होईल."