मुंबई : बॅंकेच्या कामाची वेळ संपल्यानंतर बॅंकेत (bank) जबरदस्तीने प्रवेश करणाऱ्या खातेदाराला (account holder) मुंबई उच्च न्यायालयाने (Mumbai high court) जामीन मंजूर केला आहे. मात्र खातेदाराने मुख्यमंत्री (chief minister fund) सहाय्यता निधीसाठी दहा रुपये जमा करावे, असे आदेश न्यायालयाने दिले. (bank-account holder-Mumbai high court-chief minister fund-nss91)

सोलापूर मधील सांगोला पोलीस ठाण्यात याबाबत बैक औफ इंडियाच्या वतीने फौजदारी गुन्हा दाखल करण्यात आला आहे. कोविडच्या निर्बंधांमुळे कामाची वेळ सांयकाळी चार वाजेपर्यंत होती. त्यानंतर बाहेरून कोणी जाऊ शकत नाही आणि आतील खातेदार काम पूर्ण करु शकतात. एप्रिल मध्ये घडलेल्या या घटनेनुसार संबंधित खातेदार सव्वा चारच्या सुमारास बैकेच्या प्रवेशद्वारवर आला होता. तेथील काचेच्या दरवाजा वाजवून ते आत प्रवेश करण्याचा प्रयत्न करत होते.

मात्र त्यांना आत घेण्यासाठी मज्जाव करण्यात आला. बैकेच्या कर्मचारी आणि व्यवस्थापकांनी जाऊन त्याला समजावण्याचा प्रयत्न केला. मात्र खातेदार काचेच्या दरवाजावर वाजवत राहिले ज्यामुळे पंचवीस हजार रुपयांचा दरवाजा तुटला. याप्रकरणी गुन्हा दाखल झाल्यामुळे अटक होऊ शकते या कारणावरून त्यांनी जामीन मिळण्यासाठी अर्ज केला. संबंधित प्रकार नकळत घडला आणि त्याबाबत दिलगीर आहे, असे त्यांच्या वतीने न्यायालयात सांगण्यात आले. तसेच याचा पश्चाताप करण्यासाठी मुख्यमंत्री सहाय्यता निधीसाठी आर्थिक मदत करेन, असेही त्यांच्या वतीने एड राहुल कदम यांनी सांगितले. न्या भारती डांग्रे यांनी या विधानाला मान्यता दिली आणि दोन आठवड्यात पैसे जमा करण्याचे आदेश दिले. तसेच खातेदाराला वीस हजार रुपयांचा जामीन मंजूर केला.