मुंबई : मुंबई येथील आझाद मैदानात (Azad Maidan) दोनशेवर बँक कर्मचारी (Bank Employees) तसेच अधिकारी प्रतिनिधींच्या सहभागातून सरकारतर्फे बँकिंग कायद्यात (Bank Act) ज्या दुरुस्ती प्रस्तावित करण्यात येत आहेत ज्यामुळे सार्वजानिक क्षेत्रातील (Public sector bank) बँकांचे खाजगीकरण (Bank Privatization) शक्य होईल, त्याच्या विरोधात धरणे कार्यक्रम आयोजित करण्यात आला होता ज्यात दोनशेवर बँक कर्मचारी तसेच अधिकारी सहभागी झाले होते.

धरणे कार्यक्रमाला पाठिंबा देण्यासाठी राज्य सरकारी कर्मचारी संघटनेतर्फे एस एम दौंड, सर्वसाधारण विमा कर्मचारी संघटनेतर्फे कॉम्रेड ललित सुवर्ण, हिंद मजदूर सभेचे साथी अशोक जाधव, आयटकच्या वतीने कॉम्रेड बबली रावत इत्यादी संघटनांचे प्रतिनिधी यांनी उपस्थित नोंदविली. या धरणे कार्यक्रमास उद्देशून बोलताना अयबोक चे कॉम्रेड निलेश पवार, मनोज वडावकर, इनबोक च्या वतीने कॉम्रेड योगेश शिका, इंनबेफ च्या वतीने ईश्वर पुथरन, एनसीबीईच्या वतीने कॉम्रेड जगदीश शृंगारपुरे एआयबीओए च्या वतीने कॉम्रेड विश्वनाथन, एआयबीइए चे वतीने कॉम्रेड ललिता जोशी, कॉम्रेड शंकर कॉम्रेड नंदकुमार चव्हाण, कॉम्रेड देवीदास तुळजापूरकर इत्यादींनी बँक खाजगीकरण विरोधातील आंदोलनाला आता जनआंदोलन करण्यात येईल व ही लढाई व्यापक बनवलि जाईल असे सांगितले.

या वेळी दोनशेवर बँक कर्मचारी उपस्थीत होतें.उपस्थितांनी बँक कर्मचारी सेना या बँक खाजगीकरण विरोधातील लढाईत सहभागी होत आहे याबद्दल त्यांचे अभिनंदन केले. या धरणे कार्यक्रमात सहभागी होण्यासाठी लातूर, सांगली, सिंधुदुर्ग, नाशिक, नवी मुंबई, ठाणे, पुणे येथून बँक कर्मचारी जथ्यानी आले होते. या जथ्यातील बँक कर्मचाऱ्यांनी रस्त्यावरील अनेक गावात, वस्त्यात, बाजारात जाऊन बँक खाजगीकरणाला विरोध का ? ही बँक कर्मचारी संघटनेची भूमिका जनतेपर्यंत पोहोचविली व त्यांचा खाजगीकरण विरोधी अभियानाला पाठिंबा मिळविला. युनायटेड फोरम ऑफ बँक युनियन तर्फे आता 16 आणि 17 डिसेंबर दोन दिवसांच्या संपाची हाक दिली आहे ज्यात बँकिंग उद्योगातील नऊ लाख बँक कर्मचारी तसेच अधिकारी सहभागी होत आहेत