मुंबई : कोरोनाचा प्रादुर्भाव रोखण्यासाठी ठिकठिकाणी जंतूनाशकांची फवारणी केली जात आहे.परंतु,त्यामुळे मानवी शरीरावर विपरित परिणाम होत असून, विषाणूला चाप बसत नसल्याचे जागतिक आरोग्य संघटनेने स्पष्ट केले आहे. बाजार, छोट्या गल्ल्या, झोपडपट्ट्यांमधील अस्वच्छता आणि हवेतील धूलिकणांमुळे जंतूनाशक फवारणीचा काहीही उपयोग होत नसल्याचे जागतिक आरोग्य संघटनेने म्हटले आहे.कोरोनाचा प्रसार कमी करण्यासाठी मोठ्या प्रमाणात जंतूनाशकांची फवारणी होत आहेत.ही फवारणी कोरोना विषाणूला रोखण्यासाठी परिणामकारक नसल्याचे जागतिक आरोग्य संघटनेने म्हटले आहे.शरीरावर केली जाणारी जंतूनाशकाची फवारणी धोकादायक असून, गंभीर आजार होण्याचा धोका आहे, असेही जागतिक आरोग्य संघटनेने स्पष्ट केले आहे.

मुंबईतील महत्वाच्या बातम्या वाचण्यासाठी येथे क्लिक करा

काय होतात दुष्परिणाम?

धूळ आणि अस्वच्छतेमुळे जंतूनाशके निष्क्रीय होऊ शकतात.शरीरावर जंतूनाशक फवारल्यास गंभीर आजारांचा धोका असतो.त्यामुळे शारीरिक आणि मानसिक दुखणी उद्भवू शकतात.क्लोरीनसारख्या रसायनांची फवारणी डोळे आणि त्वचेसाठी धोकादायक ठरू शकते.त्यामुळे डोळे व त्वचेची जळजळ, श्वास घेण्यास अडथळा आणि पोटाचे विकार, असा त्रास होऊ शकतो. प्रतिक्रिया जंतूनाशकाच्या फवारणीमुळे डोळे चुरचुरणे, त्वचेला खाज येणे, श्वास घ्यायला त्रास होणे, असे दुष्परिणाम होऊ शकतात.भाज्यांवरील जंतूनाशक फवारणी धोकादायक ठरू शकते.त्यामुळे भाज्या स्वच्छ पाण्याने धुवून घ्याव्यात. -

डॉ. अविनाश सुपे, माजी अधिष्ठाता, केईएम रुग्णालय