मुंबई ः मुंबईत कोरोनाग्रस्तांची संख्या वाढत आहे. त्याचवेळी धारावीत कोरोनाची लागण मोठ्या प्रमाणावर होत आहे. आशियातील सर्वात मोठ्या झोपडपट्टीत सार्वजनिक स्वच्छतागृहांमुळे कोरोनाची मोठ्या प्रमाणावर लागण होत असल्याचे केंद्रीय पाहणी पथकाने म्हंटले आहे.

मुंबईतील महत्वाच्या बातम्या वाचण्यासाठी येथे क्लिक करा

धारावीत कोरोनाचे रुग्ण वाढत आहे. त्याबाबत अभ्यास केल्यावर याचे प्रमुख कारण सार्वजनिक स्वच्छतागृह असल्याचे दिसले. केंद्रीय समितीने धारावी, गोवंडी तसेच वडाळा येथील झोपडपट्टीची पाहणी केली. या परिसरात सार्वजनिक स्वच्छतागृहेच आहेत, त्यामुळे लोकांना लॉकडाऊन पाळता येत नाही. त्यासाठी त्यांना घराबाहेर पडावे लागते, असे केंद्रीय सहाय्यक गृहसचिव पुण्या श्रीवास्तव यांनी सांगितले. केंद्रीय पथकाने झोपडपट्टीतील सार्वजनिक स्चच्छतागृहांचा वापर कमी होण्यासाठी फिरती स्वच्छतागृहे परिसरात सुरु करण्याची सूचना केली आहे. त्यासाठी योग्य जागा पाहण्यासही सांगितले आहे.  

अधिक आणि सविस्तर बातम्या वाचण्यासाठी ईपेपर वाचा

धारावीत घरात विलगीकरणाचा पर्याय अमलात आणणे अवघडच आहे. त्यामुळे केंद्रीय पथकाने एखाद्या संस्थेत विलगीकरण करण्याची सूचना केली आहे. त्या ठिकाणी दोन ते तीन हजार जणांचे विलगीकरण होऊ शकेल, असे सांगितले आहे. त्याचबरोबर परिसरात अधिकाधिक चाचण्या होण्याची गरज आहे. त्यासाठी धारावीतील तसेच अन्य ठिकाणच्या स्वयंसेवकांची मदत घेण्यासही सूचवले आहे.

Because of the public toilets Excessive corona infection in Dharavi