माथेरान (बातमीदार) : येथील बेलवेडीयर पॉईंटला संरक्षक कठडे नव्हते. त्यामुळे तो पर्यटकांसाठी असुरक्षित होता. चार महिन्यांपूर्वी एका पर्यटक महिलेचा या पॉईंटवरून पडून मृत्यू झाला होता. त्यामुळे वन-व्यवस्थापन समितीला जाग आली असून या पॉईंटवर लोखंडी रेलिंग बसवण्यात आले आहे. 

बेलवेडीयर पॉईंटला सुरक्षा कठडे बसवण्यासाठी वन विभाग आणि वन-व्यवस्थापन समितीला माथेरान सनियंत्रण समितीची परवानगी घ्यावी लागली. ती मिळताच वन-व्यवस्थापन समितीचे अध्यक्ष योगेश जाधव आणि वनक्षेत्रपाल नारायण राठोड यांनी वन-व्यवस्थापन समितीच्या अखत्यारित असलेल्या पार्किंगच्या उत्पन्नातून 3 लाख 50 हजार खर्च करून 35 फूट लांब लोखंडी संरक्षक कठडा बांधण्यात आला आहे. 

झुडपे वाढली

बेलवेडीयर पॉईंटवरून मोरबे धरण, प्रबळगड, इर्शाळगडसह रसायनी, पनवेल तालुक्‍यातील परिसर दिसतो. अनेक वर्षे हा पॉईंट बंद होता. त्यामुळे परिसरात झुडपे वाढली होती. 

मगरीच्‍या हल्‍ल्‍यात तरुण जखमी

बेलवेडीयर पॉईंटवर संरक्षक कठडा नव्हता. त्यामुळे त्या ठिकाणी पर्यटक कमी प्रमाणात जात होते. संरक्षक कठडा बांधल्यानंतर येथील झुडपे हटवून रस्ता तयार केला आहे. हे काम पूर्ण होताच वन-व्यवस्थापन समितीचे सदस्य नितीन सावंत यांनी पाहणी केली. 
- योगेश जाधव, अध्यक्ष, वन-व्यवस्थापन समिती