भिवंडी : भिवंडी पोलिस उपायुक्त परिमंडळ 2 अंतर्गत सहा पोलिस ठाण्यातील तब्बल 78 पोलिसांना कोरोनाची बाधा झाल्याची माहिती सुत्रांनी दिली. त्यामध्ये एका वरिष्ठ पोलीस निरीक्षकाच्या समावेश आहे. दरम्यान ठाणे पोलिस आयुक्त विवेक फणसाळकर यांनी या प्रकरणी गंभीर दखल घेत सदर पोलिसांचे तब्येतीची चौकशी करून काळजी घेण्याच्या सूचना देत सतर्क राहण्याचे पोलिसांना आदेश दिले, तसेच भिवंडीतील परिस्थितीचा आढावा घेतला.

हे ही वाचा : पॅसेजमध्येच रुग्णांना ऑक्सिजन; डोंबिवलीच्या शास्त्रीनगर रुग्णालयातील धक्कादायक प्रकार...

शहर पोलीस स्टेशन ठाणे पोलिस आयुक्तालय, भारतीय जैन संघटना, देश अपानये व क्रेडाई एमसीएचआय यांचे संयुक्त वतिने सोमवारी सकाळी भिवंडीत 71 पोलीस अधिकारी, कर्मचाऱ्यांची वैद्यकीय तपासणी केली. तसेच ज्यांना कोरोना आजाराची  लक्षणे आहेत अशा  कर्मचाऱ्यांची  स्वॅब टेस्टिंग केल्याची माहिती वरिष्ठ पोलीस निरीक्षक सुभाष कोकाटे यांनी दिली.        

नक्की वाचा : आमचाही बँक बॅलन्स आता झिरोवर, हॉटेल मालकांसह कर्मचाऱ्यांची हृदयद्रावक व्यथा 

दरम्यान शहरातील निजामपूर येथे  सहा , भोईवाडा येथे नऊ , नारपोली येथे 22 , कोनगाव येथ चार , शांतीनगर 12 , भिवंडी शहरात 19  यांसह नियंत्रण कक्षातील सहा अशा एकूण  78  पोलिस अधिकारी कर्मचाऱ्यांना आतापर्यंत कोरोनाची बाधा झाली आहे. यापैकी 46 जण कोरोनावर यशस्वी मात करून पुन्हा कर्तव्यावर हजर झाले आहेत. तर  32  जणांवर विविध रुग्णालयात उपचार सुरु आहेत. तर काही पोलिस होम क्वारंटाईन आहेत.

In Bhiwandi more than 70 police personnel were infected by coronavirus