भिवंडी : भिवंडी महानगरपालिका क्षेत्रात कोरोनाचा प्रादुर्भाव वाढत आहे. त्यामुुळे नागरिक मोठ्या प्रमाणात त्रस्त झाले आहेत.

महत्वाची बातमी : ठाकरे सरकारकडून चीनला धक्का, 'ते' तीन करार केले रद्द

महानगरपालिका प्रशासन त्यास आळा घालण्यात अपयशी ठरत असल्याबाबत लोकप्रतिनिधी व नागरिकांमधून आरोप केले जात असतानाच महानगरपालिका आयुक्त म्हणून भारतीय प्रशासकीय सेवेतील अधिकारी नियुक्त करावा, अशी मागणी जोर धरत असताना राज्य शासनाने तडकाफडकी डॉ. प्रवीण आष्टीकर यांची भिवंडी महानगरपालिका आयुक्तपदावरून उचलबांगडी करून त्यांच्या ठिकाणी नाशिक उपजिल्हाधिकरी तथा कळवण येथील प्रकल्प अधिकारी डॉ. पंकज आसिया या 2016 च्या तुकडीतील आयएएस अधिकारी यांची आयुक्त म्हणून नियुक्ती केली आहे. सायंकाळी त्यांनी भिवंडी महानगरपालिका मुख्यालयातील दालनात येऊन पदभार स्वीकारला आहे.

नक्की वाचा : कोरोनावर आलेल्या १०३ रुपयांच्या 'फॅबि-फ्लू' या गोळीबद्दल महत्त्वपूर्ण माहिती...

डॉ. प्रवीण आष्टीकर यांच्या कार्यकाळात  झालेले आर्थिक निर्णय वादग्रस्त ठरल्याबाबत त्यांच्या बदलीबाबत मुख्यमंत्री यांच्याकडे आमदार रईस शेख व राष्ट्रवादी कॉंग्रेसने निवेदन देऊन मागणी केली होती. राज्य शासनाने महानगरपालिका प्रशासन प्रमुख आयुक्त म्हणून आयएएस अधिकारी नियुक्तीचे भिवंडीकर नागरिकांनी स्वागत केले आहे. कोरोना प्रादुर्भाव रोखण्यासाठी विशेष प्रयत्न करणार असल्याचे त्यांनी सांगितले. नागरिकांनी सहकार्य करावे, ही अपेक्षा व्यक्त केली.

Bhiwandi Municipal Commissioner's pickpocket, will be the new commissioner